പാലക്കാട്: കേരള മനസ്സാക്ഷിയെ ഞെട്ടിച്ച നെന്മാറ ഇരട്ടക്കൊലക്കേസിലെ പ്രതി ചെന്താമരയ്ക്കുള്ള ശിക്ഷാവിധി പ്രഖ്യാപിക്കുന്നത് നാളെ. പ്രതിക്ക് ജില്ലാ നിയമസഹായ വേദിയുടെ നേതൃത്വത്തിൽ കഴിഞ്ഞ രണ്ട് ദിവസങ്ങളായി കൗൺസിലിംഗ് നൽകിയിരുന്നു. ഇതിന്റെ അടിസ്ഥാനത്തിൽ തയ്യാറാക്കിയ മിറ്റിഗേഷൻ റിപ്പോർട്ട് നാളെ പാലക്കാട് അഡീഷണൽ സെഷൻസ് കോടതിയിൽ സമർപ്പിക്കും.(Nenmara Double Murder Case Verdict Expected To Delay)
പുതിയ സാഹചര്യത്തിൽ ശിക്ഷാവിധി നാളെ പ്രഖ്യാപിക്കുന്നതിന് സാധ്യത കുറവാണെന്ന് പ്രോസിക്യൂട്ടർ മാധ്യമങ്ങളോട് വ്യക്തമാക്കി. കൗൺസിലിംഗ് റിപ്പോർട്ട് ലഭിച്ച ശേഷം ഇക്കാര്യത്തിൽ തീരുമാനം ഉണ്ടാകും. കൂടാതെ, നാളെ പ്രതിയെ വീഡിയോ കോൺഫറൻസിംഗ് വഴി കോടതിയിൽ ഹാജരാക്കാൻ നിർദേശിച്ചിട്ടുണ്ട്.
കേസിൽ ഇരുഭാഗത്തിന്റെയും അന്തിമവാദം ഇതിനോടകം പൂർത്തിയായിട്ടുണ്ട്. ചെന്താമര കടുത്ത ക്രിമിനൽ പശ്ചാത്തലമുള്ള സ്ഥിരം കുറ്റവാളിയാണെന്നും സമൂഹത്തിന് ഭീഷണിയായ ഇയാൾക്ക് വധശിക്ഷ തന്നെ നൽകണമെന്നുമാണ് പ്രോസിക്യൂഷൻ ശക്തമായി വാദിച്ചത്. താൻ ഗാന്ധിജിയല്ല എന്ന പ്രതിയുടെ സ്വന്തം പരാമർശം ചൂണ്ടിക്കാട്ടി, ഇയാൾ ഇനിയും കുറ്റകൃത്യങ്ങൾ ചെയ്യാൻ സാധ്യതയുണ്ടെന്നും പ്രോസിക്യൂഷൻ കോടതിയെ അറിയിച്ചു. എന്നാൽ, കേസ് പൂർണ്ണമായും സാഹചര്യത്തെളിവുകളെ മാത്രം ആശ്രയിച്ചുള്ളതാണെന്നും നേരിട്ടുള്ള സാക്ഷികളില്ലെന്നും പ്രതിഭാഗം വാദിച്ചു.
Story Summary
The sentencing of Chenthamara, the convict in the Nenmara double murder case, is likely to be delayed as the district legal services authority prepares to submit his mitigation counseling report tomorrow. While the prosecution demanded the death penalty branding him a threat to society, the defense argued for a chance at reformation, citing the lack of direct evidence.
