കണ്ണൂർ: പയ്യന്നൂരിൽ അനസ്തീഷ്യ നൽകിയതിന് പിന്നാലെ ഒന്നര വയസ്സുകാരൻ മരിച്ച കേസിൽ രണ്ട് ഡോക്ടർമാരുടെ മൊഴി പോലീസ് അന്വേഷണ സംഘം രേഖപ്പെടുത്തി. ആശുപത്രിയിലെ പീഡിയാട്രീഷ്യൻ, പ്ലാസ്റ്റിക് സർജൻ എന്നിവരിൽ നിന്നാണ് പോലീസ് വിവരങ്ങൾ ശേഖരിച്ചത്.(Payyanur Toddler Death Anesthesia Controversy Police Record Doctors Statements)
അതേസമയം, കുട്ടിയുടെ ശസ്ത്രക്രിയയ്ക്കായി അനസ്തീഷ്യ നൽകിയ ഡോക്ടറോട് ചോദ്യം ചെയ്യലിനായി നേരിട്ട് ഹാജരാകാൻ പോലീസ് നിർദ്ദേശം നൽകിയിട്ടുണ്ട്. ചികിത്സാപ്പിഴവ് മൂലമാണ് കുട്ടി മരിച്ചതെന്ന് ആരോപിച്ച് രംഗത്തെത്തിയ മരിച്ച ദേവാൻഷ് ശൗര്യയുടെ ബന്ധുക്കളുടെ മൊഴിയും പോലീസ് നേരത്തെ രേഖപ്പെടുത്തിയിരുന്നു.
കേസിൽ വരാനിരിക്കുന്ന വെള്ളിയാഴ്ച മെഡിക്കൽ ബോർഡ് പ്രത്യേക യോഗം ചേരുന്നുണ്ട്. ഈ ബോർഡ് സമർപ്പിക്കുന്ന ശാസ്ത്രീയ റിപ്പോർട്ടിന്റെ അടിസ്ഥാനത്തിലാകും പോലീസിന്റെ തുടർന്നുള്ള നിയമനടപടികൾ.
Story Summary
The police investigation team recorded the statements of two doctors in connection with the tragic death of a one-and-a-half-year-old child following anesthesia in Payyanur. Statements were taken from pediatrician and plastic surgeon, while anesthetist has been summoned for questioning.
