തിരുവനന്തപുരം: ഓണക്കാലത്ത് വിപണിയിലെ വിലക്കയറ്റം തടയുന്നതിനും ശക്തമായ വിപണി ഇടപെടലിനുമായി സപ്ലൈകോയ്ക്ക് 253 കോടി രൂപ അനുവദിച്ച് സംസ്ഥാന സർക്കാർ ഉത്തരവായി. പൊതുവിപണിയിലെ ഓണക്കാല തിരക്ക് മുന്നിൽക്കണ്ട് സപ്ലൈകോയുടെ വിപണി ഇടപെടലുകൾക്കായി 200 കോടി രൂപയും, മഞ്ഞ കാർഡ് ഉടമകൾക്ക് ഓണക്കിറ്റ് വിതരണം ചെയ്യുന്നതിനായി 53 കോടി രൂപയുമാണ് പ്രത്യേകമായി അനുവദിച്ചിരിക്കുന്നത്.(Kerala Government sanctions 253 crore to Supplyco for Onam market intervention and kits)
ഭക്ഷ്യ-സിവിൽ സപ്ലൈസ് വകുപ്പ് മന്ത്രി അനൂപ് ജേക്കബിന്റെ അഭ്യർത്ഥന പരിഗണിച്ച് മുഖ്യമന്ത്രി വി. ഡി. സതീശൻ നേരിട്ട് ഇടപെട്ടതിനെ തുടർന്നാണ് ധനവകുപ്പ് അടിയന്തരമായി തുക അനുവദിച്ചത്. നിലവിൽ അനുവദിച്ച തുക ചെലവഴിച്ച ശേഷം ഓണവിപണി സുഗമമായി മുന്നോട്ട് കൊണ്ടുപോകാൻ കൂടുതൽ തുക ആവശ്യമായി വരികയാണെങ്കിൽ സർക്കാരിനെ വീണ്ടും സമീപിക്കുമെന്ന് മന്ത്രി അറിയിച്ചു.
മുൻകാല സർക്കാരുകളൊന്നും തന്നെ ഓണക്കാല വിപണി ലക്ഷ്യമിട്ട് ഇത്രയധികം തുക ഒറ്റത്തവണയായി അനുവദിച്ചിട്ടില്ലെന്ന് മന്ത്രി അനൂപ് ജേക്കബ് ചൂണ്ടിക്കാട്ടി. വിപണിയിലെ പൂഴ്ത്തിവെപ്പും വിലക്കയറ്റവും കർശനമായി നിയന്ത്രിക്കുന്നതിനും സർക്കാരിന്റെ വിപണി ഇടപെടലുകൾ കൂടുതൽ ജനകീയമാക്കുന്നതിനുമായി ‘മാർക്കറ്റ് ഇന്റർവെൻഷൻ സ്കീമിൽ’ നിന്ന് കൂടുതൽ തുക ലഭ്യമാക്കണമെന്നും മന്ത്രി ആവശ്യപ്പെട്ടിട്ടുണ്ട്.
Story Summary
The Kerala government has sanctioned ₹253 crore to Supplyco for market intervention during the upcoming Onam season to control price hikes. Out of this, ₹200 crore is allocated for Onam market operations and ₹53 crore is dedicated to providing Onam kits for AAY yellow cardholders.
