തിരുവനന്തപുരം: നിയമസഭയിലെ പ്രതിപക്ഷ ഉപനേതാവ് പദവിയെച്ചൊല്ലി ഇടതുമുന്നണിയിൽ ഉടലെടുത്ത അസാധാരണ പ്രതിസന്ധിക്ക് പരിഹാരം തേടി സി.പി.എമ്മും സി.പി.ഐയും തമ്മിലുള്ള നിർണായക ഉഭയകക്ഷി ചർച്ച ആരംഭിച്ചു. തിരുവനന്തപുരത്തെ സി.പി.ഐ സംസ്ഥാന കമ്മിറ്റി ഓഫീസായ എം.എൻ സ്മാരകത്തിലാണ് ചർച്ച പുരോഗമിക്കുന്നത്.(LDF crisis CPM CPI Bilateral Talks Over Deputy Opposition Leader Post)
എൽ.ഡി.എഫ് കൺവീനർ ടി.പി. രാമകൃഷ്ണൻ, സി.പി.ഐ സംസ്ഥാന സെക്രട്ടറി ബിനോയ് വിശ്വം ഉൾപ്പെടെയുള്ള മുതിർന്ന നേതാക്കളാണ് ചർച്ചയിൽ പങ്കെടുക്കുന്നത്. പ്രതിപക്ഷ ഉപനേതാവ് സ്ഥാനം തങ്ങൾക്ക് തന്നെ വേണമെന്ന ഉറച്ച നിലപാടിലാണ് സി.പി.ഐ.
പ്രതിപക്ഷ ഉപനേതാവ് പദവി തങ്ങൾക്കുള്ളതാണെന്ന കീഴ്വഴക്കം ചൂണ്ടിക്കാട്ടി സി.പി.എമ്മും നിലപാട് കടുപ്പിക്കുകയാണ്. ഇരു പാർട്ടികളും നിലപാടിൽ ഉറച്ചുനിൽക്കുന്ന സാഹചര്യത്തിലാണ് സി.പി.എം മുൻകൈയെടുത്ത് എൽ.ഡി.എഫ് കൺവീനറെ നേരിട്ട് എം.എൻ സ്മാരകത്തിലേക്ക് ചർച്ചയ്ക്ക് നിയോഗിച്ചത്. ഈ ചർച്ചയോടെ മുന്നണിയിലെ തർക്കം പരിഹരിക്കപ്പെടുമോ എന്നാണ് രാഷ്ട്രീയ കേരളം ഉറ്റുനോക്കുന്നത്.
Story Summary
Bilateral talks between CPM and CPI have commenced in Thiruvananthapuram to resolve the ongoing dispute over the Deputy Opposition Leader post in the state assembly. While CPI leader Binoy Viswam maintains a strict ‘no compromise’ stance demanding the post, CPM insists on keeping the position based on historical precedents.
