ജോലിസ്ഥലത്തെ അതിരുകടന്ന നിയന്ത്രണങ്ങളെയും മാനസിക സമ്മർദ്ദത്തെയും കുറിച്ച് ഒരു ഡിജിറ്റൽ മാർക്കറ്റിംഗ് ഏജൻസിയിലെ ജീവനക്കാരൻ പങ്കുവെച്ച കുറിപ്പ് സോഷ്യൽ മീഡിയയിൽ വലിയ ചർച്ചയാകുന്നു (Corporate Surveillance) 28,000 രൂപ ശമ്പളത്തിൽ ജോലി ചെയ്യുന്ന താൻ നേരിടുന്ന ക്രൂരമായ നിരീക്ഷണങ്ങളെക്കുറിച്ചാണ് അദ്ദേഹം റെഡ്ഡിറ്റിലെ ‘ഇന്ത്യൻ വർക്ക് പ്ലേസ്’ കമ്മ്യൂണിറ്റിയിൽ കുറിച്ചത്. സ്വകാര്യ ചാറ്റുകൾ പരിശോധിക്കുന്നതും, ടോയ്ലറ്റ് ബ്രേക്കുകൾ വരെ ട്രാക്ക് ചെയ്യുന്നതുമായ സാങ്കേതികവിദ്യയാണ് കമ്പനി ഉപയോഗിക്കുന്നത്.
സ്വകാര്യമായി സഹപ്രവർത്തകനോട് സംസാരിച്ച കാര്യങ്ങൾ മാനേജർ സ്ക്രീൻഷോട്ട് എടുത്ത് ചോദ്യം ചെയ്തതാണ് പ്രശ്നങ്ങൾക്ക് തുടക്കമായത്. ഓഫീസ് പരിസരത്തെ വൃത്തിഹീനമായ സാഹചര്യം മൂലം തനിക്കുണ്ടായ ആരോഗ്യപ്രശ്നങ്ങളെക്കുറിച്ച് സഹപ്രവർത്തകനോട് പങ്കുവെച്ച വിവരങ്ങളാണ് മാനേജരുടെ മുന്നിലെത്തിയത്. ഇതിന്റെ പേരിൽ പരസ്യമായി അപമാനിക്കപ്പെടുകയും പുറത്താക്കുമെന്ന് ഭീഷണിപ്പെടുത്തുകയും ചെയ്തു.
Got Humiliated Today, Getting Fired Tomorrow
by
u/NegotiationOk888 in
IndianWorkplace
മുൻപ് ഉണ്ടായിരുന്ന എച്ച്.ആർ ഹെഡ് ഇത്തരം അനീതികൾക്ക് കൂട്ടുനിൽക്കാൻ വിസമ്മതിച്ച് രാജിവെച്ചതിനെത്തുടർന്ന്, ഉടമ തന്നെ പുതിയ നിരീക്ഷണ സംവിധാനങ്ങൾ വികസിപ്പിക്കുകയായിരുന്നു. ജോലിയിൽ വൈകി എത്തുന്ന ഓരോ മിനിറ്റിനും ശമ്പളം പിടിക്കുന്നതിനൊപ്പം, കോഡിംഗ് ഉൾപ്പെടെയുള്ള അധികജോലികൾ ചെയ്തിട്ടും ഉടമ തന്നെ ‘അലസൻ’ എന്ന് വിളിച്ച് അധിക്ഷേപിച്ചുവെന്നും അദ്ദേഹം പറയുന്നു. ജോലിസ്ഥലത്തെ ഇത്തരം പ്രവണതകൾക്കെതിരെ രൂക്ഷമായ വിമർശനമാണ് ഉയരുന്നത്. തൊഴിലാളികളുടെ സ്വകാര്യത മാനിക്കാത്ത ഇത്തരം രീതികൾക്കെതിരെ കർശനമായ തൊഴിൽ നിയമങ്ങൾ ആവശ്യമാണെന്നും സോഷ്യൽ മീഡിയ ഉപയോക്താക്കൾ അഭിപ്രായപ്പെടുന്നു.
Summary: A digital marketing agency employee, earning Rs 28,000, has exposed a toxic work culture involving invasive surveillance, such as tracking bathroom breaks and monitoring private team chats. The employee detailed how management uses custom software to penalize minor delays and devalue their contributions, sparking widespread online outrage regarding corporate micromanagement and the urgent need for labor rights protection.
