മലപ്പുറം: മഞ്ചേരി ഗവൺമെന്റ് മെഡിക്കൽ കോളേജ് ആശുപത്രി വളപ്പിൽ വർഷങ്ങളായി കട്ടപ്പുറത്തു കിടന്നിരുന്ന ആരോഗ്യവകുപ്പിന്റെ മിനി വാനിൽ നിന്ന് വടിവാൾ കണ്ടെത്തി. ഒ.പി ബ്ലോക്കിന് മുൻവശത്തായി പാർക്ക് ചെയ്തിരുന്ന വാനിന്റെ സീറ്റിനടിയിൽ ഒളിപ്പിച്ച നിലയിലായിരുന്നു വാൾ.(Machete Found Inside Abandoned Health Department Van At Manjeri Medical College Hospital)
48 സെന്റിമീറ്റർ നീളവും മൂന്നര സെന്റിമീറ്റർ വീതിയുമുള്ള വാളിന്റെ മൂർച്ചയുള്ള ഭാഗങ്ങൾ തുരുമ്പെടുത്ത നിലയിലായിരുന്നു. സീറ്റിനടിയിൽ വടിവാൾ ഇരിക്കുന്നതായാണ് ശ്രദ്ധയിൽപ്പെട്ടത്. ആശുപത്രി അധികൃതർ അറിയിച്ചതനുസരിച്ച് പോലീസ് സ്ഥലത്തെത്തി വടിവാൾ കസ്റ്റഡിയിലെടുത്തു.
മാലിന്യങ്ങൾക്കിടയിലാണ് വാൾ ഉപേക്ഷിച്ച നിലയിൽ കണ്ടെത്തിയത്. ഇത് ഏതെങ്കിലും തരത്തിലുള്ള കുറ്റകൃത്യങ്ങൾക്ക് ഉപയോഗിച്ചതാകാമെന്ന നിഗമനത്തിലാണ് പോലീസ്. സംഭവത്തിൽ ഭാരതീയ ന്യായ സംഹിത (BNS) വകുപ്പ് 106 പ്രകാരം പോലീസ് പ്രാഥമിക റിപ്പോർട്ട് തയ്യാറാക്കിയിട്ടുണ്ട്. കസ്റ്റഡിയിലെടുത്ത വടിവാൾ ഉടൻ തന്നെ കോടതിയിൽ ഹാജരാക്കുമെന്നും, സംഭവത്തിന് പിന്നിൽ പ്രവർത്തിച്ചവരെ കണ്ടെത്താൻ ഊർജ്ജിതമായ അന്വേഷണം ആരംഭിച്ചതായും മഞ്ചേരി പോലീസ് അറിയിച്ചു.
Story Summary
A rusty machete was recovered from an abandoned Health Department mini van parked inside the Manjeri Medical College hospital premises. The local police seized the weapon after a visitor spotted it under a seat and alerted authorities, prompting an investigation.
