തിരുവനന്തപുരം: തലസ്ഥാനത്തെ കുമാരപുരം പൂന്തി റോഡിൽ ഗ്യാസ് പൈപ്പ് ലൈനിൽ വാതകച്ചോർച്ച. റോഡ് വികസനത്തിന്റെ ഭാഗമായി ജെ.സി.ബി ഉപയോഗിച്ച് വശങ്ങൾ വെട്ടിപ്പൊളിക്കുന്നതിനിടയിലാണ് പൈപ്പ് ലൈൻ പൊട്ടിയത്.(Gas Pipeline Leak In Thiruvananthapuram Kumarapuram Poonthi Road)
വാതകം പുറത്തേക്ക് പ്രവഹിച്ചത് പ്രദേശത്ത് പരിഭ്രാന്തി പരത്തി. വിവരമറിഞ്ഞ് അഗ്നിശമന സേന ഉടൻ തന്നെ സ്ഥലത്തെത്തി ആവശ്യമായ മുൻകരുതലുകൾ സ്വീകരിച്ചു. അപകടാവസ്ഥ ഒഴിവാക്കാനായി ഈ മേഖലയിലേക്കുള്ള പ്രധാന വാൽവുകളെല്ലാം ഉദ്യോഗസ്ഥർ അടിയന്തരമായി അടച്ചുപൂട്ടിയിട്ടുണ്ട്.
നിലവിൽ വാതകച്ചോർച്ച നിയന്ത്രണവിധേയമാക്കാൻ സാധിച്ചതായാണ് വിവരങ്ങൾ. തകരാർ സംഭവിച്ച പൈപ്പ് ലൈൻ അറ്റകുറ്റപ്പണി നടത്തി സാധാരണ നിലയിലാക്കാനുള്ള ശ്രമങ്ങൾ പുരോഗമിക്കുകയാണ്. സുരക്ഷാ മുൻകരുതലിന്റെ ഭാഗമായി ഫയർഫോഴ്സും സംഭവസ്ഥലത്ത് തുടരുന്നുണ്ട്.
Story Summary
A gas pipeline leak occurred on Poonthi Road in Kumarapuram, Thiruvananthapuram, after a JCB accidentally damaged the pipe during road construction. Firefighters rushed to the spot and controlled the leak by shutting off all connecting valves in the area. Repair works are currently underway to restore the pipeline, and no casualties or major damages have been reported.
