ആലപ്പുഴ: കെ.കെ. മഹേശന്റെ മരണത്തിൽ പുനരന്വേഷണം വേണമെന്ന ആവശ്യം ഉയർന്നു വന്നതോടെ വെള്ളാപ്പള്ളി നടേശൻ പരിഭ്രാന്തനാണെന്ന് വി.എം. സുധീരൻ ആരോപിച്ചു. വെള്ളാപ്പള്ളിയുടെ നിലവിലെ സംസാരരീതി എസ്.എൻ.ഡി.പി ജനറൽ സെക്രട്ടറി പദവിക്ക് ഒട്ടും ചേർന്നതല്ലെന്നും, കവലച്ചട്ടമ്പികളുടേതിന് സമാനമാണെന്നും അദ്ദേഹം വിമർശിച്ചു.(VM Sudheeran Demands Reinvestigation In KK Maheshan Case And Criticizes Vellappally Natesan)
കാര്യപ്രാപ്തിയുള്ള ഉദ്യോഗസ്ഥരെ ഉൾപ്പെടുത്തി പുതിയ അന്വേഷണ സംഘത്തെ രൂപീകരിച്ച് സത്യം പുറത്തുകൊണ്ടുവരണമെന്ന് സുധീരൻ സർക്കാരിനോട് ആവശ്യപ്പെട്ടു. കെ.കെ. മഹേശന്റെ ഭാര്യ നൽകിയ പരാതി താൻ സർക്കാരിന് കൈമാറിയിട്ടുണ്ടെന്നും അദ്ദേഹം വ്യക്തമാക്കി.
മഹേശന്റെ മരണത്തിൽ അന്വേഷണം ആവശ്യപ്പെട്ട് മുൻപ് കത്ത് നൽകിയിട്ടും നടപടിയുണ്ടായില്ല. വെള്ളാപ്പള്ളിയുമായുള്ള കൂട്ടുകെട്ടാണ് പിണറായിക്ക് സംഭവിച്ച ഏറ്റവും വലിയ ദുരന്തമെന്നും അദ്ദേഹം തുറന്നടിച്ചു. ശ്രീനാരായണ ഗുരുവിന്റെ ഉദാത്തമായ ആശയങ്ങൾക്ക് വിരുദ്ധമായാണ് വെള്ളാപ്പള്ളി പ്രവർത്തിക്കുന്നതെന്നും, ആലപ്പുഴയിൽ നിന്ന് കെട്ടുകെട്ടിച്ചതുകൊണ്ടാണ് തന്നോട് വിരോധമെന്ന വെള്ളാപ്പള്ളിയുടെ വാദം അടിസ്ഥാനരഹിതമാണെന്നും സുധീരൻ പറഞ്ഞു.
Story Summary
Senior Congress leader V.M. Sudheeran has demanded a fresh, impartial investigation into the death of former SNDP Microfinance coordinator K.K. Maheshan, alleging that Velloppally Natesan’s panicked reaction exposes his vulnerability. Sudheeran criticized Velloppally’s behavior as unbecoming of his position.
