കൊല്ലം: കെഎസ്ആർടിസിയിലെ പുതിയ സൗജന്യ യാത്രാ പദ്ധതിയായ ‘പ്രിയദർശിനി’യുടെ കൊല്ലത്തെ ഉദ്ഘാടന വേദിയിൽ അപ്രതീക്ഷിത സംഭവങ്ങൾ അരങ്ങേറി. സൗജന്യ യാത്ര ആരംഭിച്ചതിന്റെ ആഘോഷമായി പ്രവർത്തകർ വിതരണം ചെയ്ത പായസം അബദ്ധവശാൽ മന്ത്രി ബിന്ദു കൃഷ്ണയുടെ തലയിൽ വീഴുകയായിരുന്നു.(Minister Bindhu Krishna Faces Unexpected Incident During Priyadarshini Bus Launch)
തിരുവനന്തപുരം തമ്പാനൂർ കെഎസ്ആർടിസി കോംപ്ലക്സിൽ മുഖ്യമന്ത്രി വി.ഡി. സതീശൻ പദ്ധതി ഉദ്ഘാടനം ചെയ്തതോടെയാണ് സംസ്ഥാനത്തുടനീളം ‘പ്രിയദർശിനി’ ബസുകൾ നിരത്തിലിറങ്ങിയത്. സ്ത്രീകൾക്കും ട്രാൻസ്ജെൻഡറുകൾക്കും സൗജന്യയാത്ര ഉറപ്പാക്കുന്ന ഈ പദ്ധതി, തിരഞ്ഞെടുപ്പ് വാഗ്ദാനം പാലിക്കുന്നതിന്റെ ഭാഗമായാണ് സർക്കാർ നടപ്പിലാക്കുന്നത്.
ഈ പദ്ധതി സ്ത്രീകൾക്ക് നൽകുന്ന ഔദാര്യമല്ലെന്നും, അവരുടെ സാമ്പത്തിക സ്വാശ്രയത്വത്തിനും സാമൂഹിക മുന്നേറ്റത്തിനും വഴിയൊരുക്കുന്ന സുപ്രധാന ചുവടുവെപ്പാണെന്നും മുഖ്യമന്ത്രി വി.ഡി. സതീശൻ ഉദ്ഘാടന പ്രസംഗത്തിൽ പറഞ്ഞു. സ്ത്രീകൾക്ക് അഭിമാനത്തോടെ യാത്ര ചെയ്യാമെന്നും, ഈ ബസുകൾ തങ്ങളുടേതാണെന്ന് അവർക്ക് പറയാമെന്നും മുഖ്യമന്ത്രി കൂട്ടിച്ചേർത്തു.
Story Summary
During the inauguration of the ‘Priyadarshini’ free bus travel scheme in Kollam, Minister Bindhu Krishna faced an unexpected incident when hot ‘payasam’ being distributed by Youth Congress workers accidentally fell on her head. The project, inaugurated earlier by Chief Minister V.D. Satheesan in Thiruvananthapuram, aims to empower women and transgender individuals by providing free travel in KSRTC ordinary buses without causing financial strain to the corporation.
