ഹൂസ്റ്റൺ: 2026 ഫിഫ ലോകകപ്പ് ഫുട്ബോൾ ടൂർണമെന്റിൽ അപ്രതീക്ഷിതമായ വിവാദങ്ങൾ. ജർമ്മനിയും കുരസാവോയും തമ്മിലുള്ള മത്സരത്തിന് തൊട്ടുമുമ്പ് നടന്ന തത്സമയ സംപ്രേക്ഷണത്തിനിടെ, ഓസ്ട്രേലിയൻ VAR ഉദ്യോഗസ്ഥനായ ഷോൺ ഇവാൻസ് നടത്തിയ കൈ ആംഗ്യം വലിയ പ്രതിഷേധത്തിന് വഴിവെച്ചിരിക്കുകയാണ്.(FIFA VAR official controversial hand gesture at 2026 World Cup)
മത്സരത്തിന് മുന്നോടിയായി റഫറിമാരെ പരിചയപ്പെടുത്തുന്ന ദൃശ്യങ്ങൾ ടിവിയിൽ കാണിക്കുന്നതിനിടെയാണ് സംഭവം. അപ്പോൾ തത്സമയം ക്യാമറയ്ക്ക് മുന്നിലുണ്ടായിരുന്ന ഷോൺ ഇവാൻസ്, തന്റെ കൈകൾ കൊണ്ട് ഒരു ‘അപ്സൈഡ്-ഡൗൺ ഓകെ’ ചിഹ്നം കാണിക്കുകയായിരുന്നു. എന്നാൽ, ഈ ആംഗ്യം ‘വൈറ്റ് പവർ’ എന്ന അർത്ഥത്തിൽ ഉപയോഗിക്കാറുള്ളതാണെന്ന് ആരോപിച്ച് സമൂഹമാധ്യമങ്ങളിൽ വലിയ വിമർശനം ഉയർന്നു.
ഫുട്ബോളിലെ വിവേചനത്തിനെതിരെ പ്രവർത്തിക്കുന്ന ‘ഫെയർ നെറ്റ്വർക്ക്’ ഈ സംഭവത്തെ രൂക്ഷമായി വിമർശിച്ചു. ടൂർണമെന്റിൽ നിന്ന് അദ്ദേഹത്തെ പുറത്താക്കണമെന്നും അവർ ഫിഫയോട് ആവശ്യപ്പെട്ടു. അതേസമയം, ഇത് ഒരു തരം തമാശക്കളിയാണെന്നും, വെറുതെ ഒരു തമാശയ്ക്ക് കാണിച്ചതാണെന്നും ഒരു വിഭാഗം വാദിക്കുന്നു.
Story Summary
FIFA Australian VAR official Shaun Evans was filmed making a controversial hand gesture during a live broadcast before the Germany vs. Curaçao match. Anti-discrimination groups have identified the sign as a potential hate symbol linked to far-right movements and are calling for his removal from the tournament.
