കൊച്ചി: കെഎസ്ആർടിസിയിൽ ആരംഭിച്ച സ്ത്രീ സൗജന്യയാത്ര പദ്ധതിയെ സ്വാഗതം ചെയ്തും പിന്തുണച്ചും കേന്ദ്രമന്ത്രി സുരേഷ് ഗോപി രംഗത്തെത്തി. മറ്റു സംസ്ഥാനങ്ങളിൽ നേരത്തെ തന്നെ നടപ്പിലാക്കിയിട്ടുള്ള ഈ പദ്ധതി കേരളത്തിന്റെ സാമ്പത്തിക നില മെച്ചപ്പെടുന്നതോടെ കൂടുതൽ വിപുലീകരിക്കാൻ കഴിയുമെന്ന് അദ്ദേഹം പറഞ്ഞു.(Suresh Gopi Supports KSRTC Free Travel Scheme Urges Well Off Women To Opt Out)
പുരുഷന്മാരേക്കാൾ കൂടുതൽ സ്ത്രീകൾ ഇന്ന് പുറത്തിറങ്ങുന്ന കാലമാണ്. അവർക്ക് ഈ പദ്ധതി വലിയ സഹായകമാകും. മുഖ്യമന്ത്രിയും സിപി ജോണും ചേർന്ന് ഈ പദ്ധതിയെ നല്ല രീതിയിൽ കൊണ്ടുപോകാനുള്ള ശേഷി സർക്കാരിനുണ്ടെന്നും അദ്ദേഹം അഭിപ്രായപ്പെട്ടു.
പദ്ധതിയുടെ വിജയത്തിനായി അദ്ദേഹം ഒരു നിർദ്ദേശം മുന്നോട്ടുവയ്ക്കുകയും ചെയ്തു. കാശ് കൊടുത്ത് പൊയ്ക്കോളാം എന്ന് പറയാൻ സാമ്പത്തികശേഷിയുള്ള സ്ത്രീകൾ തയ്യാറായാൽ ഈ പദ്ധതി കൂടുതൽ വിജയമാകും എന്നും അദ്ദേഹം കൂട്ടിച്ചേർത്തു. സൗജന്യയാത്ര ആരംഭിച്ചതോടെ നിരവധി സ്ത്രീകളുടെ മനസ്സിൽ പുതിയ സ്വപ്നങ്ങൾ വിരിഞ്ഞിട്ടുണ്ടാകുമെന്നും, പദ്ധതി ദീർഘകാലം വിജയകരമായി തുടരട്ടെ എന്ന് പ്രാർത്ഥിക്കുന്നതായും സുരേഷ് ഗോപി പറഞ്ഞു.
Story Summary
Union Minister Suresh Gopi has extended his support to the KSRTC free travel scheme for women, calling it a progressive step. He urged financially independent women to voluntarily opt out of the free service to ensure that the benefits reach those who are truly in need, suggesting that such a collective decision would ensure the long-term success and sustainability of the initiative.
