കൊല്ലം: യു.ഡി.എഫ് പ്രകടന പത്രികയിലെ പ്രധാന വാഗ്ദാനമായ ‘പ്രിയദർശിനി’ ബസ് സർവീസ് ഉദ്ഘാടന ദിവസം തന്നെ കല്ലുകടി. ഉദ്ഘാടന ചടങ്ങിനിടെ മന്ത്രി ബിന്ദു കൃഷ്ണയുടെ ദേഹത്ത് പായസം വീണതും, സർവീസ് നടത്തിയ ബസ് വഴിയിൽ തകരാറിലായതും ഏറെ ചർച്ചയായി.(Priyadarshini KSRTC bus service faces technical issues on inaugural day in Kollam)
കൊല്ലം ഡിപ്പോയിൽ വെച്ച് നടന്ന ഉദ്ഘാടന ചടങ്ങിനിടെയായിരുന്നു സംഭവം. പ്രിയദർശിനി ബസ് പദ്ധതി യാഥാർഥ്യമായതിന്റെ ആഹ്ലാദം പങ്കിടാൻ പായസം വിതരണം ചെയ്തിരുന്നു. മന്ത്രിക്ക് പായസം നൽകുന്നതിനിടെ അബദ്ധത്തിൽ അത് തലയിൽ വീഴുകയായിരുന്നു.
കുണ്ടറയിൽ നിന്നും കായംകുളത്തേക്ക് സർവീസ് ആരംഭിച്ച ബസ്, യാത്രയ്ക്കിടെ വഴിയിൽ വെച്ച് പണിമുടക്കി. എയർ ലീക്ക് ആണ് തകരാറിന് കാരണമായത്. രാവിലെ എട്ടരയോടെ യാത്ര തുടങ്ങിയ ബസ് പെട്ടെന്ന് വഴിയിൽ നിന്നതോടെ യാത്രക്കാരെ മറ്റൊരു ബസിലേക്ക് മാറ്റേണ്ടി വന്നു. തുടർന്ന് കൊല്ലം ഡിപ്പോയിൽ നിന്നുള്ള മെക്കാനിക്കൽ ജീവനക്കാർ സ്ഥലത്തെത്തി തകരാർ പരിഹരിച്ചു.
Story Summary
The inaugural day of the ‘Priyadarshini’ KSRTC bus service in Kollam was marred by technical failures and a minor accident. While Minister Bindu Krishna suffered a minor spill of hot ‘payasam’ during the inauguration, the bus itself broke down midway due to an air leak, leaving passengers stranded.
