തിരുവനന്തപുരം: കോൺഗ്രസ് മുഖ്യമന്ത്രി നിർണ്ണയത്തിൽ എംഎൽഎമാരുടെ എണ്ണത്തിനാണ് പ്രഥമ പരിഗണനയെന്ന സൂചന നൽകി കെപിസിസി പ്രസിഡന്റ് സണ്ണി ജോസഫ്. മുഖ്യമന്ത്രിയെ തീരുമാനിക്കുമ്പോൾ എംഎൽഎമാരുടെ പിന്തുണ ഏറെ പ്രധാനമാണെന്നും മറ്റു ഘടകങ്ങളേക്കാൾ ഇതിന് മുൻഗണനയുണ്ടെന്നും അദ്ദേഹം പറഞ്ഞു. നിരീക്ഷകർക്ക് മുന്നിൽ താൻ പക്ഷം പിടിച്ചിട്ടില്ലെന്നും പുറത്തുവന്ന പിന്തുണ രേഖപ്പെടുത്തിയ പട്ടികയുടെ ചിത്രങ്ങൾ ശരിയല്ലെന്നും അദ്ദേഹം കൂട്ടിച്ചേർത്തു.(Sunny Joseph And Sandeep Varier React On Kerala CM Selection And MLA Support Reports)
അതിനിടെ, കെ.സി. വേണുഗോപാലിനെ പിന്തുണച്ചുവെന്ന വാർത്തകൾ തള്ളാതെ സന്ദീപ് വാര്യരും പ്രതികരിച്ചു. ആർക്കാണ് പിന്തുണ നൽകിയതെന്ന് പരസ്യമായി പറയാനില്ലെന്നും ജനാധിപത്യപരമായ രീതിയിലാണ് പാർട്ടി തീരുമാനമെടുക്കുകയെന്നും അദ്ദേഹം പറഞ്ഞു. മുസ്ലീം ലീഗിനോടും പാണക്കാട് കുടുംബത്തോടും തീർത്താൽ തീരാത്ത കടപ്പാടുണ്ടെന്ന് വ്യക്തമാക്കിയ സന്ദീപ്, ലീഗിനെതിരായ മാത്യു കുഴൽനാടന്റെ പ്രസ്താവന കണ്ടിട്ടില്ലെന്നും പ്രതികരിച്ചു. വാരണാസിയിൽ മോദി കഷ്ടിച്ച് ജയിച്ചതുപോലെയാണ് ധർമ്മടത്ത് പിണറായിയുടെ വിജയമെന്നും അദ്ദേഹം പരിഹസിച്ചു.
63 കോൺഗ്രസ് എംഎൽഎമാരിൽ 47 പേർ കെ.സി. വേണുഗോപാലിനെ പിന്തുണച്ചതായാണ് മാധ്യമ റിപ്പോർട്ടുകൾ സൂചിപ്പിക്കുന്നത്. സണ്ണി ജോസഫ്, സന്ദീപ് വാര്യർ, സജീവ് ജോസഫ് തുടങ്ങിയവർ വേണുഗോപാൽ പക്ഷത്താണെന്നാണ് സൂചന. അതേസമയം, പ്രതിപക്ഷ നേതാവ് വി.ഡി. സതീശന് 6 പേരുടെയും രമേശ് ചെന്നിത്തലയ്ക്ക് 8 പേരുടെയും പിന്തുണ മാത്രമാണ് ലഭിച്ചതെന്നും റിപ്പോർട്ടുകൾ പറയുന്നു. ഈ ഭൂരിപക്ഷം മറികടന്ന് ഹൈക്കമാൻഡ് എന്ത് തീരുമാനമെടുക്കും എന്നതിലാണ് ഇപ്പോൾ രാഷ്ട്രീയ കേന്ദ്രങ്ങളുടെ ഉറ്റുനോട്ടം.
Story Summary
KPCC President Sunny Joseph emphasized the importance of MLA support in choosing the next Kerala CM, while Sandeep Varier expressed deep gratitude to the IUML amidst reports favoring KC Venugopal. Both leaders called for restraint in public demonstrations as the High Command evaluates the observers’ report.
