ഷാംലി: ഉത്തർപ്രദേശിലെ ഷാംലി ജില്ലയിൽ കൈരാന പട്ടണത്തിൽ ദാരുണ സംഭവം. കുടുംബവഴക്കിനെത്തുടർന്ന് യുവതി ആത്മഹത്യയ്ക്ക് ശ്രമിക്കുന്നതിനിടെ മുറിയിൽ പുക നിറഞ്ഞതിനെത്തുടർന്ന് ശ്വാസം മുട്ടി രണ്ട് പെൺകുട്ടികൾ മരിച്ചു (UP Minor Deaths Asphyxiation). ജസ്സിയുടെ ഭാര്യ അനിതയാണ് (30) ആത്മഹത്യയ്ക്ക് ശ്രമിച്ചത്. ഇവരുടെ മക്കളായ വന്ദന (10), ഒന്നര വയസ്സുള്ള ജസ്പ്രീത് എന്നിവരാണ് മരിച്ചത്.
വ്യാഴാഴ്ചയാണ് സംഭവം നടന്നത്. അനിത മുറിക്കുള്ളിൽ കയറി കട്ടിലിന് തീ കൊളുത്തുകയായിരുന്നു. മുറി അടച്ചിട്ടിരുന്നതിനാൽ അതിവേഗം കനത്ത പുക ഉള്ളിൽ നിറഞ്ഞു. ഈ സമയം മുറിയിലുണ്ടായിരുന്ന കുട്ടികൾ പുക ശ്വസിച്ച് അബോധാവസ്ഥയിലായി. വിവരമറിഞ്ഞെത്തിയ പോലീസ് അനിതയെയും കുട്ടികളെയും ഉടൻ തന്നെ ആശുപത്രിയിൽ എത്തിച്ചു. എന്നാൽ കുട്ടികൾ അപ്പോഴേക്കും മരിച്ചിരുന്നതായി ഡോക്ടർമാർ സ്ഥിരീകരിച്ചു.
അനിത നിലവിൽ ചികിത്സയിലാണ്. കുടുംബ പ്രശ്നങ്ങളാണ് അനിതയെ ഇത്തരമൊരു കൃത്യത്തിന് പ്രേരിപ്പിച്ചതെന്നാണ് പ്രാഥമിക നിഗമനം. സംഭവസമയത്ത് അനിതയുടെ ഭർത്താവ് ജസ്സി വീട്ടിലുണ്ടായിരുന്നില്ല. മൃതദേഹങ്ങൾ പോസ്റ്റ്മോർട്ടത്തിന് അയച്ചതായും സംഭവത്തിൽ വിശദമായ അന്വേഷണം ആരംഭിച്ചതായും പോലീസ് അറിയിച്ചു.
Summary: Two minor girls, aged 10 and one-and-a-half, died of asphyxiation in Uttar Pradesh’s Shamli after their mother attempted self-immolation. The heavy smoke from the fire inside the closed room led to the children suffocating to death. The mother is currently undergoing treatment, and police suspect a family dispute triggered the incident.
