തിരുവനന്തപുരം: കാപ്പാ നിയമപ്രകാരം ജയിലിൽ കഴിയുന്ന തിരുവനന്തപുരം കോർപ്പറേഷനിലെ ബി.ജെ.പി കൗൺസിലർ ആർ. സുഗതന്റെ സത്യപ്രതിജ്ഞ ജയിലിൽ വച്ച് നടത്താമെന്ന് സംസ്ഥാന സർക്കാർ ഹൈക്കോടതിയെ അറിയിക്കും. പ്രതിക്ക് കാപ്പാ തടവിൽ നിന്ന് യാതൊരു കാരണവശാലും ഇടക്കാല മോചനം നൽകരുതെന്നാണ് സർക്കാരിന്റെ കർശന നിലപാട്.(BJP Councillor R Sugathan Swearing In Ceremony Inside Viyyur Jail Government Informs Court)
നിലവിൽ സുഗതൻ കഴിയുന്ന ജയിലിൽ വച്ച് തന്നെ സത്യപ്രതിജ്ഞ ചെയ്യാനുള്ള സൗകര്യങ്ങൾ ഒരുക്കാമെന്നും ചട്ടപ്രകാരം ഇതിന് തടസ്സമില്ലെന്നും സർക്കാർ കോടതിയിൽ വ്യക്തമാക്കും. കൗൺസിലർക്ക് ജയിലിനുള്ളിൽ വച്ച് സത്യപ്രതിജ്ഞ ചെയ്യാനാകുമോ എന്ന് കഴിഞ്ഞ ദിവസം ഹൈക്കോടതി സർക്കാരിനോട് ആരാഞ്ഞിരുന്നു. വീണ്ടും സത്യപ്രതിജ്ഞ ചെയ്യുന്നതിനായി കാപ്പാ തടവിൽ നിന്ന് താൽക്കാലികമായി മോചിപ്പിക്കണമെന്നാവശ്യപ്പെട്ട് സുഗതൻ സമർപ്പിച്ച ഹർജി പരിഗണിക്കുന്നതിനിടെയായിരുന്നു കോടതിയുടെ ചോദ്യം. ഇക്കാര്യത്തിലാണ് തിങ്കളാഴ്ച സർക്കാർ കോടതിയിൽ മറുപടി നൽകുന്നത്.
നിയമപ്രകാരമുള്ള സത്യപ്രതിജ്ഞാ ചട്ടങ്ങൾ ലംഘിച്ച്, സത്യപ്രതിജ്ഞ ചെയ്തതിനെ തുടർന്ന് തിരുവനന്തപുരം കോർപ്പറേഷനിലെ 20-ാം വാർഡ് കൗൺസിലറായ സുഗതൻ ഉൾപ്പെടെയുള്ളവരുടെ സത്യപ്രതിജ്ഞ ഹൈക്കോടതി നേരത്തെ അസാധുവാക്കിയിരുന്നു. തുടർന്ന് വീണ്ടും പ്രതിജ്ഞ ചൊല്ലാൻ ഒരുങ്ങുന്നതിനിടെയാണ് ഇയാൾക്കെതിരെ കാപ്പാ ചുമത്തിയത്.
Story Summary
The Kerala government has informed the High Court that BJP councillor R. Sugathan, currently detained in Viyyur Central Jail under KAAPA, can take his oath inside the prison. The government strongly opposes granting him interim release but confirmed that facilities will be arranged in jail for the re-swearing ceremony, after his previous oath was invalidated for violating protocols.
