വയനാട്: സ്വകാര്യ ബസുകൾ വിദ്യാർത്ഥികളുടെ കൺസഷൻ ചാർജ് ഏകപക്ഷീയമായി വർദ്ധിപ്പിച്ചതിനെതിരെ കൽപ്പറ്റ ആർ.ടി.ഒ ഓഫീസിൽ കനത്ത പ്രതിഷേധം. എസ്.എഫ്.ഐയുടെ നേതൃത്വത്തിൽ പ്രവർത്തകർ കൽപ്പറ്റ ആർ.ടി.ഒയെ ഓഫീസിനുള്ളിൽ ഉപരോധിച്ചു.(SFI blockades Kalpetta RTO office over private bus student concession fare hike in Wayanad)
വിദ്യാർത്ഥികളിൽ നിന്ന് അധിക തുക ഈടാക്കുന്ന ബസുടമകൾക്കെതിരെ കർശന നടപടി സ്വീകരിക്കണമെന്ന് ആവശ്യപ്പെട്ടായിരുന്നു ഉപരോധ സമരം. വിദ്യാർത്ഥികളുടെ കൺസഷൻ നിരക്ക് ഒറ്റയടിക്ക് ഒരു രൂപയിൽ നിന്നും മൂന്ന് രൂപയാക്കിയാണ് ജില്ലയിലെ സ്വകാര്യ ബസ് ഉടമകൾ വർദ്ധിപ്പിച്ചത്.
ഇതിനെതിരെ ഇന്ന് രാവിലെ 11 മണിയോടെയാണ് എസ്.എഫ്.ഐ പ്രവർത്തകർ കൽപ്പറ്റ ആർ.ടി.ഒ ഓഫീസിലേക്ക് പ്രതിഷേധവുമായി ഇരച്ചെത്തിയത്. ബസുടമകളുടെ ഈ ഏകപക്ഷീയമായ തീരുമാനം അംഗീകരിക്കാനാവില്ലെന്നും നിരക്ക് വർദ്ധന പിൻവലിക്കാൻ മോട്ടോർ വാഹന വകുപ്പ് അധികൃതർ സമയബന്ധിതമായി ഇടപെട്ടില്ലെന്നും എസ്.എഫ്.ഐ ആരോപിച്ചു.
Story Summary
SFI activists blockaded the Kalpetta RTO office in Wayanad protesting against the unilateral hike in student bus concession fares by private bus operators. The bus owners reportedly raised the fare from one rupee to three rupees, prompting the student union to demand immediate official intervention.
