കൊച്ചി: ഐ.ടി കമ്പനിയായ കോറോ ഹെൽത്തിലെ കൂട്ടപ്പിരിച്ചുവിടൽ നടപടിയിൽ കേന്ദ്ര സർക്കാരിന്റെ ശക്തമായ ഇടപെടൽ ഉണ്ടാകുമെന്ന് ഉറപ്പ് ലഭിച്ചതായി തൊഴിൽമന്ത്രി ബിന്ദു കൃഷ്ണ. ഡൽഹിയിൽ ഡോ. മൻസുഖ് മാണ്ഡവ്യയുമായി നടത്തിയ കൂടിക്കാഴ്ചയ്ക്ക് ശേഷമാണ് മന്ത്രി ഇക്കാര്യം വ്യക്തമാക്കിയത്.(CorroHealth mass layoff crisis, Central government assures intervention)
വരും ദിവസങ്ങളിൽ സംസ്ഥാന തലത്തിൽ നടക്കുന്ന ചർച്ചകൾക്ക് ശേഷവും പ്രശ്നം പരിഹരിക്കപ്പെട്ടില്ലെങ്കിൽ കേന്ദ്ര ഭരണകൂടം നേരിട്ട് വിഷയത്തിൽ ഇടപെടും. കോറോ ഹെൽത്തിൽ പ്രതിസന്ധികളുണ്ടെങ്കിൽ മറ്റ് സെന്ററുകളിൽ നിന്നുള്ള ജീവനക്കാരെ പുനർവിന്യസിക്കുകയാണ് വേണ്ടതെന്നും, നിലവിലെ ജീവനക്കാരെ കൂട്ടത്തോടെ പിരിച്ചുവിടുന്നത് ശരിയല്ലെന്നും മന്ത്രി കൂടിക്കാഴ്ചയിൽ ചൂണ്ടിക്കാട്ടി.
‘ലാസ്റ്റ് കം ഫസ്റ്റ് ഗോ’ എന്ന അടിസ്ഥാന തൊഴിൽ നിയമ തത്വം പാലിക്കാൻ കമ്പനി തയ്യാറാകാത്തത് എന്തുകൊണ്ടാണെന്നും മന്ത്രി ചോദ്യം ചെയ്തു. കഴിഞ്ഞ ദിവസം കൊച്ചിയിൽ കമ്പനി പ്രതിനിധികളുമായി സംസ്ഥാന സർക്കാർ നടത്തിയ ചർച്ച പൂർണ്ണമായും പരാജയപ്പെട്ടിരുന്നു.
Story Summary
Labour Minister Bindu Krishna confirmed that the Central Government has assured intervention in the CorroHealth mass layoff crisis following her meeting with Union Minister Dr Mansukh Mandaviya in Delhi. The company recently laid off around 900 employees across Kochi and Kozhikode, and subsequent talks held by the state government had failed.
