തിരുവനന്തപുരം: പത്ത് വർഷത്തെ ഭരണത്തിന് ശേഷം പിണറായി വിജയൻ പ്രതിപക്ഷ നേതാവിന്റെ കസേരയിലേക്കും, മുൻ പ്രതിപക്ഷ നേതാവ് വി.ഡി സതീശൻ മുഖ്യമന്ത്രി പദവിയിലേക്കും എത്തുമ്പോൾ രാഷ്ട്രീയ കേരളത്തിൽ വലിയ മാറ്റങ്ങൾക്കാണ് വഴിതുറക്കുന്നത്. ഈ പദവി മാറ്റത്തോടെ ഇരു നേതാക്കൾക്കും ലഭിക്കുന്ന ശമ്പളത്തിലും ആനുകൂല്യങ്ങളിലും വലിയ വെച്ചുമാറലുകൾ ഉണ്ടാകും.(Salary And Allowances Of Kerala Chief Minister VD Satheesan And Opposition Leader Pinarayi Vijayan)
ക്യാബിനറ്റ് പദവിയുള്ള പ്രതിപക്ഷ നേതാവായി ചുമതലയേൽക്കുന്ന പിണറായി വിജയന് അടിസ്ഥാന ശമ്പളമായി വെറും 2,000 രൂപയാണ് നിശ്ചയിച്ചിട്ടുള്ളത്. എന്നാൽ 38,429 രൂപ ക്ഷാമബത്തയും, 40,000 രൂപ മണ്ഡലം അലവൻസും, 17,000 രൂപ യാത്രാ അലവൻസും ഉൾപ്പെടെ പ്രതിമാസം ആകെ 97,429 രൂപ ശമ്പളമായി ലഭിക്കും. കൂടാതെ അദ്ദേഹത്തിനും കുടുംബത്തിനും പൂർണ്ണ ചികിത്സാ പരിരക്ഷയും, ഔദ്യോഗിക വസതിയും, കാറും, പൈലറ്റ് വാഹനവും അനുവദിക്കും. വാഹനങ്ങൾ വാങ്ങാൻ 10 ലക്ഷം രൂപയും, വീട് വയ്ക്കാൻ 20 ലക്ഷം രൂപയും അഡ്വാൻസായും ലഭിക്കും.
നിയുക്ത മുഖ്യമന്ത്രി വി.ഡി സതീശന് അടിസ്ഥാന ശമ്പളവും വിവിധ അലവൻസുകളും ഉൾപ്പെടെ പ്രതിമാസം 1,85,000 രൂപയാണ് ശമ്പളമായി ലഭിക്കുക. യാത്രകൾക്കായി ഔദ്യോഗിക വാഹനവും കർശന സുരക്ഷയോടെയുള്ള പൈലറ്റ് വാഹനങ്ങളും അദ്ദേഹത്തിനുണ്ടാകും. ട്രെയിൻ, വിമാന യാത്രകൾക്കായി പ്രത്യേക അലവൻസുകളും സൗകര്യങ്ങളും ലഭിക്കുന്നതിനൊപ്പം മുഖ്യമന്ത്രിക്കും കുടുംബത്തിനും പൂർണ്ണമായ സൗജന്യ ചികിത്സയും സർക്കാർ ഉറപ്പുനൽകുന്നു. മുഖ്യമന്ത്രിയുടെ ഔദ്യോഗിക വസതിയായ ‘ക്ലിഫ് ഹൗസി’ലായിരിക്കും വി.ഡി സതീശന്റെ താമസം. 24 മണിക്കൂറും കനത്ത സുരക്ഷയുള്ള ഈ ബംഗ്ലാവിന് പുറമെ, 5 വർഷത്തെ കാലാവധി പൂർത്തിയാക്കിയ ശേഷം ആജീവനാന്ത പെൻഷനും മുഖ്യമന്ത്രിക്ക് ലഭിക്കും.
Story Summary
With the political shift in Kerala, designated Chief Minister VD Satheesan and new Opposition Leader Pinarayi Vijayan will see changes in their salaries and perks. Satheesan will receive a monthly salary of ₹1.85 lakh along with Cliff House residency, while Vijayan will get ₹97,429 monthly with cabinet-rank benefits.
