പാലക്കാട്: കോൺഗ്രസ് പുനഃസംഘടനയെക്കുറിച്ചുള്ള ചർച്ചകൾ സജീവമാകുന്നതിനിടെ, കെപിസിസി അധ്യക്ഷ സ്ഥാനത്തേക്ക് മാത്യു കുഴൽനാടന്റെ പേര് നിർദ്ദേശിച്ചുകൊണ്ട് പാലക്കാട് നഗരത്തിൽ ഫ്ലെക്സ് ബോർഡുകൾ. ‘പുതുയുഗ കോൺഗ്രസ്’ എന്ന പേരിലാണ് ബോർഡുകൾ സ്ഥാപിച്ചിരിക്കുന്നത്.(Flex Boards In Palakkad Demand Mathew Kuzhalnadan As New KPCC President)
നിലവിലെ കെപിസിസി അധ്യക്ഷൻ സണ്ണി ജോസഫ് യുഡിഎഫ് മന്ത്രിസഭയിൽ മന്ത്രിയായി ചുമതലയേറ്റതോടെയാണ് പാർട്ടി നേതൃത്വത്തിൽ ഒഴിവ് വന്നത്. കൂടാതെ, നിലവിലെ വർക്കിങ് പ്രസിഡന്റ് പി.സി. വിഷ്ണുനാഥും മന്ത്രിയായതിനാൽ പാർട്ടി തലപ്പത്ത് അഴിച്ചുപണി അനിവാര്യമാണെന്ന വിലയിരുത്തൽ സജീവമാണ്.
ഈ സാഹചര്യത്തിലാണ് കോൺഗ്രസിലെ പ്രമുഖ യുവനേതാവും നിയമസഭയിലെ ശക്തമായ ശബ്ദവുമായ മാത്യു കുഴൽനാടനെ നേതൃത്വത്തിലേക്ക് കൊണ്ടുവരണമെന്ന ആവശ്യം ഒരു വിഭാഗം ഉയർത്തുന്നത്. പാർട്ടിയെ നയിക്കാൻ മാത്യു കുഴൽനാടനെപ്പോലെയുള്ള യുവനേതാക്കൾ മുൻനിരയിലേക്ക് വരണം എന്നാണ് ആവശ്യം.
Story Summary
Flex boards demanding Congress MLA Mathew Kuzhalnadan be appointed as the KPCC President have appeared in Palakkad city under the banner of ‘Puthuyuga Congress.’ The demand gains significance as the party’s reorganization process is underway following the appointment of incumbent KPCC Chief Sunny Joseph as a minister in the UDF cabinet.
