നേരത്തെ നാം വിറ്റ്നൂമിനേക്കുറിച്ച് പറഞ്ഞു. വിറ്റ്നൂമിനെപ്പോലെ ഉപേക്ഷിക്കപ്പെട്ട ചില നഗരങ്ങൾ ഇന്ന് വിനോദസഞ്ചാരകേന്ദ്രങ്ങളാണ്. അവയെക്കുറിച്ച് അറിഞ്ഞാലോ ? (Humberstone the ghosted town )
അത്തരത്തിലൊന്നാണ് ചിലിയിലെ ഹംബർസ്റ്റോൺ. 1920 മുതൽ 40 വരെ നൈട്രേറ്റ് ഉൽപ്പാദനത്തിൽ മുൻപന്തിയിലായിരുന്നു ഹംബർസ്റ്റോൺ. നൈട്രേറ്റ് ധാതുവിൻ്റെ ഖനനത്തിലൂടെ അനേകം പേർ കോടീശ്വരന്മാരായി. അവർ വലിയ കെട്ടിടങ്ങളും ആഡംബരപൂർണമായ നടപ്പാതകളും നിർമിച്ചു.
പക്ഷേ ആയിടയ്ക്കായിരുന്നു പൊട്ടാസ്യം നൈട്രേറ്റ് മറ്റു മാർഗങ്ങളിലൂടെ നിർമിക്കാമെന്ന് കണ്ടെത്തിയത്. ഇതിന് ഉൽപാദനച്ചെലവും കുറവായിരുന്നു. അതോടെ ഹംബർസ്റ്റോൺ നഗരത്തിന്റെ കഷ്ടകാലവും തുടങ്ങി. ആളുകൾ വീടൊഴിഞ്ഞു കൂടുതൽ പണം കിട്ടുന്നിടത്തേക്കു പോയി. 1961 ആയപ്പോഴേക്കും അവിടെ ആരുമില്ലാതായി! മണൽ മൂടിക്കിടക്കുന്ന കെട്ടിടങ്ങൾ. കൂറ്റൻ ഫാക്ടറികളുടെ ചുവരുകളിലും യന്ത്രങ്ങളിലും പുകക്കുഴലുകളിലുമെല്ലാം വർഷങ്ങളായി അടിഞ്ഞുകൂടി ക ടക്കുന്ന മണൽ.
ഇടയ്ക്കിടെ ആഞ്ഞു വീശുന്ന മരുക്കാറ്റ് മാത്രം! ഇതാണ് ഇന്നത്തെ ഹംബർസ്റ്റോൺ നഗരം. എന്താ അല്ലേ ? മനുഷ്യന് കൂടുതൽ ഫലപ്രദമെന്തോ അവിടേക്ക് അവൻ പോകും, എന്ത് ഉപേക്ഷിക്കാനും അവനു മടിയില്ല.. ഐക്യരാഷ്ട്രസംഘടനയുടെ പൈതൃകപ്പട്ടികയിൽ ഈ നഗരമുണ്ട്. നിരവധി സഞ്ചാരികൾ ഈ നഗരം കാണാനെത്തുന്നുമുണ്ട്..
തീർന്നുവെന്ന് കരുതിയോ ? അടുത്ത ഒരു നഗരത്തെക്കുറിച്ച് അറിയാൻ അടുത്ത ഭാഗത്തിനായി കാത്തിരിക്കൂ ..
Summary: Humberstone, once a thriving nitrate mining hub in Chile, was a wealthy industrial city between 1920 and 1940. It flourished with rich infrastructure and a booming economy driven by nitrate production. However, the discovery of cheaper synthetic alternatives led to the collapse of the industry, forcing residents to abandon the city. By 1961, Humberstone became completely deserted. Today, it stands as a ghost town filled with sand-covered ruins and silent industrial remains. Recognized as a UNESCO World Heritage Site, it now attracts tourists interested in its haunting history and abandoned beauty.
