തിരുവനന്തപുരം: തിരഞ്ഞെടുപ്പ് കാലത്ത് നൽകിയ വാഗ്ദാനങ്ങൾ പൂർണമായും പാലിക്കുമെന്നും, യു.ഡി.എഫ് പ്രകടനപത്രികയിലെ ‘ഇന്ദിരാ ഗ്യാരന്റികൾ’ നടപ്പിലാക്കുന്നതിൽ നിന്ന് ഒട്ടും പിന്നോട്ട് പോകില്ലെന്നും മുഖ്യമന്ത്രി വി.ഡി. സതീശൻ. പുതിയ കേരളം കെട്ടിപ്പടുക്കുന്നതിന്റെ ഭാഗമായി സംസ്ഥാനത്തെ ഒരു വലിയ തുറമുഖ നഗരമാക്കി മാറ്റുമെന്നും അദ്ദേഹം വാർത്താസമ്മേളനത്തിൽ വ്യക്തമാക്കി.(Chief Minister V D Satheesan Pledges To Fulfill Election Promises And Build A New Kerala)
അഞ്ച് ഇന്ദിരാ ഗ്യാരന്റികൾ നടപ്പിലാക്കും. ഇതിൽ രണ്ട് ഗ്യാരന്റികൾ ഇതിനകം സർക്കാർ പ്രഖ്യാപിച്ചു കഴിഞ്ഞു. ബാക്കിയുള്ളവ സാമ്പത്തിക സ്ഥിതി പരിശോധിച്ച ശേഷം ഉടൻ നടപ്പിലാക്കും. കേരളത്തെ ഏഷ്യയിലെ ഏറ്റവും വലിയ ഏവിയേഷൻ ഹബ്ബായി ഉയർത്തുമെന്ന് മുഖ്യമന്ത്രി പറഞ്ഞു. സംസ്ഥാനത്തെ 10,000 ചെറുകിട, ഇടത്തരം വ്യവസായങ്ങൾക്ക് സർക്കാർ സഹായം ഉറപ്പാക്കും. കാർഷിക മേഖലയുടെ സമഗ്രമായ ഉന്നമനത്തിനായി പ്രത്യേക പദ്ധതികൾ നടപ്പിലാക്കും.
ഉന്നത വിദ്യാഭ്യാസ മേഖലയിൽ സമൂലമായ മാറ്റങ്ങൾ കൊണ്ടുവരും. ആഗോളതലത്തിലുള്ള പുതിയ അറിവുകളും സാങ്കേതികവിദ്യകളും കേരളത്തിലെ ഉന്നത വിദ്യാഭ്യാസ സ്ഥാപനങ്ങളിലേക്ക് എത്തിക്കാൻ പ്രത്യേക നടപടികൾ സ്വീകരിക്കും. യു ഡി എഫ് സർക്കാരിൻ്റെ നയപ്രഖ്യാപന പ്രസംഗം ഇന്ന് നടന്നു.
Story Summary
Chief Minister V.D. Satheesan has reiterated his government’s commitment to implementing the ‘Indira Guarantees’ promised in the UDF manifesto. Outlining a vision for a “New Kerala,” he announced major initiatives including transforming the state into a prominent port city and Asia’s largest aviation hub, alongside supporting 10,000 MSMEs and modernizing the higher education sector.
