തിരുവനന്തപുരം: പേയാട് കാവടിക്കടവിൽ കുളിക്കാനിറങ്ങി ഒഴുക്കിൽപ്പെട്ട സൈനികൻ കോഴിക്കോട് സ്വദേശി സുജിത്തിന്റെ മൃതദേഹം കണ്ടെത്തി. മണിക്കൂറുകൾ നീണ്ട തെരച്ചിലിനൊടുവിൽ ഇന്ന് രാവിലെയാണ് മൃതദേഹം കരയ്ക്കെത്തിച്ചത്.(Body Of Soldier Missing In Peyad Kavadikadavu Recovered)
കാണാതായ സ്ഥലത്തിന് താഴെയായി മുളങ്കൂട്ടത്തിൽ തങ്ങി നിൽക്കുന്ന നിലയിലായിരുന്നു മൃതദേഹം കണ്ടെത്തിയത്. പാങ്ങോട് സൈനിക ക്യാമ്പിലെ അംഗമായ സുജിത്ത് ഇന്നലെ ഉച്ചയോടെയാണ് സഹപ്രവർത്തകർക്കൊപ്പം കാവടിക്കടവിൽ കുളിക്കാനിറങ്ങിയത്. കനത്ത മഴയെത്തുടർന്ന് പുഴയിൽ നീരൊഴുക്ക് ശക്തമായിരുന്നു.
സുജിത്തിനൊപ്പം ഒഴുക്കിൽപ്പെട്ട മറ്റൊരു സൈനികനെ നാട്ടുകാർ യഥാസമയം ഇടപെട്ട് രക്ഷപ്പെടുത്തിയിരുന്നു. തിരുവനന്തപുരം സ്കൂബ ടീമും കാട്ടാക്കട ഫയർഫോഴ്സ് യൂണിറ്റും ചേർന്നാണ് തെരച്ചിൽ നടത്തിയത്. ഏകദേശം 10 അടിയോളം താഴ്ച്ചയിൽ വെള്ളത്തിനടിയിലായിരുന്നു മൃതദേഹം ഉണ്ടായിരുന്നത്.
Story Summary
The body of 34-year-old soldier Sujit, who went missing while bathing in the Kavadikadavu river in Peyad, Thiruvananthapuram, was recovered this morning by scuba and fire force teams. The Kozhikode native had been swept away by strong currents yesterday due to heavy rains, while his colleague was rescued by locals.
