കൊച്ചി: ആഗോള വിപണിയിലെ ചലനങ്ങൾക്ക് പിന്നാലെ സംസ്ഥാനത്ത് സ്വർണ്ണവിലയിൽ വൻ വർദ്ധനവ്. ഒരു പവൻ സ്വർണ്ണത്തിന് 560 രൂപയാണ് ഇന്ന് വർദ്ധിച്ചത്. ഇതോടെ ഒരിടവേളയ്ക്ക് ശേഷം സ്വർണ്ണവില വീണ്ടും ഒരു പവന് ഒരു ലക്ഷത്തി അയ്യായിരം രൂപയ്ക്ക് മുകളിലെത്തി. 1,05,280 രൂപയാണ് നിലവിൽ സംസ്ഥാനത്ത് ഒരു പവൻ സ്വർണ്ണത്തിന്റെ വില.(Gold Prices Soar In Kerala As Sovereign Crosses One Lakh Five Thousand Mark)
പവന് ആനുപാതികമായി ഗ്രാമിന്റെ വിലയിലും വർദ്ധനവുണ്ടായിട്ടുണ്ട്. ഒരു ഗ്രാം സ്വർണ്ണത്തിന് 70 രൂപയാണ് ഉയർന്നത്. ഇതോടെ ഒരു ഗ്രാം സ്വർണ്ണത്തിന്റെ ഇന്നത്തെ വിപണി വില 13,160 രൂപയായി. കഴിഞ്ഞ കുറച്ചു ദിവസങ്ങളായി വിപണിയിൽ വില കുറഞ്ഞു നിന്നിരുന്ന സ്വർണ്ണമാണ് ഒരൊറ്റ ദിവസം കൊണ്ട് വീണ്ടും സർവ്വകാല റെക്കോർഡുകളിലേക്ക് കുതിക്കുന്നത്. അമേരിക്ക-ഇറാൻ ഭൗമരാഷ്ട്രീയ സംഘർഷങ്ങൾ വീണ്ടും ശക്തമായതാണ് പെട്ടെന്നുള്ള ഈ വിലക്കയറ്റത്തിന് പ്രധാന കാരണം.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.
Story Summary
Gold prices in Kerala witnessed a significant surge today, with a sovereign increasing by ₹560 to cross the ₹1,05,000 mark again. A sovereign of gold is now priced at ₹1,05,280, while the price per gram rose by ₹70 to reach ₹13,160. This sharp increase is primary driven by rising crude oil prices and global market instability following the escalation of the US-Iran conflict in the Middle East.
