കൊച്ചി: മാസപ്പടി കേസിലെ എൻഫോഴ്സ്മെന്റ് ഡയറക്ടറേറ്റ് അന്വേഷണം സ്റ്റേ ചെയ്യണമെന്നാവശ്യപ്പെട്ട് സി.എം.ആർ.എൽ ഹൈക്കോടതിയിൽ നൽകിയ ഹർജിയെ ഇ.ഡി ശക്തമായി എതിർക്കും. അന്വേഷണവുമായി ബന്ധപ്പെട്ട് ഇതുവരെ ശേഖരിച്ച നിർണ്ണായക തെളിവുകൾ മുദ്രവെച്ച കവറിൽ കോടതിയിൽ സമർപ്പിക്കാനാണ് ഇ.ഡിയുടെ തീരുമാനം.(ED To Oppose CMRL Plea Seeking Stay On Case Probe)
ഹൈക്കോടതി ഡിവിഷൻ ബെഞ്ച് തിങ്കളാഴ്ചയാണ് ഈ ഹർജി പരിഗണിക്കുന്നത്. കേസിലെ തുടർനടപടികൾക്ക് ഹൈക്കോടതിയുടെ ഈ തീരുമാനം അതീവ നിർണ്ണായകമാണ്. ഹർജിയെ പ്രതിരോധിക്കുന്നതിനായി അഡീഷണൽ സോളിസിറ്റർ ജനറലിനെ ഇ.ഡി കോടതിയിൽ ഹാജരാക്കും.
സുപ്രീം കോടതിയിലെ പ്രമുഖ അഭിഭാഷകരെ അണിനിരത്തി വാദങ്ങൾ അവതരിപ്പിക്കാനുള്ള തയ്യാറെടുപ്പിലാണ് സി.എം.ആർ.എൽ. ഇ.ഡി ശേഖരിച്ച തെളിവുകൾ കോടതിയുടെ മുന്നിലെത്തുന്നതോടെ കേസിൽ നിർണ്ണായകമായ പല വിവരങ്ങളും പുറത്തുവരുമെന്നാണ് വിലയിരുത്തപ്പെടുന്നത്.
Story Summary
The Enforcement Directorate (ED) is set to strongly oppose CMRL’s plea to stay the investigation into the Masappadi case in the Kerala High Court. With the hearing scheduled for Monday, the ED plans to present gathered evidence in a sealed cover to the division bench, while both sides prepare to engage top legal counsel for the proceedings.
