മുംബൈ: ഐപിഎൽ 2026-ൽ ലഖ്നൗ സൂപ്പർ ജയന്റ്സിന്റെ മോശം പ്രകടനം തുടരുന്നതിനിടെ, മത്സരശേഷം കമന്റേറ്റർ സൈമൺ ഡള്ളുമായി നടത്തിയ രസകരമായ സംഭാഷണത്തിലൂടെ ശ്രദ്ധ നേടുകയാണ് ക്യാപ്റ്റൻ ഋഷഭ് പന്ത് (Rishabh Pant Thank Simon Doull). രാജസ്ഥാൻ റോയൽസിനോട് (RR) ഏറ്റുവാങ്ങിയ 40 റൺസിന്റെ തോൽവിക്ക് പിന്നാലെയായിരുന്നു പന്തിന്റെ പ്രതികരണം.
രാജസ്ഥാൻ ഉയർത്തിയ 160 റൺസ് പിന്തുടർന്ന ലഖ്നൗ 119 റൺസിന് പുറത്തായി. പന്ത് ഉൾപ്പെടെ നാല് പ്രമുഖ താരങ്ങൾ പൂജ്യത്തിനാണ് പുറത്തായത്. ഏഴ് മത്സരങ്ങളിൽ അഞ്ചാമത്തെ തോൽവിയോടെ പോയിന്റ് പട്ടികയിൽ ഒമ്പതാം സ്ഥാനത്താണ് ലഖ്നൗ. സാധാരണയായി കടുത്ത ചോദ്യങ്ങൾ ചോദിക്കാറുള്ള മുൻ ന്യൂസിലൻഡ് താരം സൈമൺ ഡള്ള് ഇത്തവണ പന്തിനോട് കുറച്ചുകൂടി മൃദുവായാണ് പെരുമാറിയത്. തോൽവിക്കിടയിലും ടീമിന്റെ ബൗളിംഗിലെ പോസിറ്റീവ് വശങ്ങളെക്കുറിച്ച് ഡള്ള് സംസാരിച്ചു. “ഇന്ന് എന്നോട് ഇത്ര മൃദുവായി പെരുമാറിയതിന് നന്ദി (Thanks for being soft today)” എന്ന് കണ്ണിറുക്കിക്കൊണ്ടുള്ള പന്തിന്റെ മറുപടി കാണികൾക്കിടയിൽ ചിരി പടർത്തി.
ഐപിഎൽ ചരിത്രത്തിലെ ഏറ്റവും ഉയർന്ന തുകയായ 27 കോടി രൂപയ്ക്കാണ് പന്ത് ലഖ്നൗവിൽ എത്തിയത്. എന്നാൽ ഈ സീസണിൽ ഏഴ് മത്സരങ്ങളിൽ നിന്ന് ഒരു അർധസെഞ്ചുറി ഉൾപ്പെടെ 147 റൺസ് മാത്രമേ പന്തിന് നേടാനായിട്ടുള്ളൂ. നിക്കോളാസ് പൂരൻ (73 റൺസ്) ഉൾപ്പെടെയുള്ള മറ്റ് മുൻനിര താരങ്ങളുടെ മോശം ഫോമും ടീമിന് വലിയ തിരിച്ചടിയാവുകയാണ്. എങ്കിലും മോഹ്സിൻ ഖാൻ, മുഹമ്മദ് ഷാമി എന്നിവരടങ്ങുന്ന ബൗളിംഗ് നിരയുടെ കരുത്തിലാണ് ലഖ്നൗവിന്റെ പ്രതീക്ഷകൾ.
Summary: Rishabh Pant shared a light-hearted moment with commentator Simon Doull following Lucknow Super Giants’ (LSG) 40-run defeat to Rajasthan Royals. Despite LSG’s fifth loss in seven games, Doull focused on the team’s bowling positives, leading a dejected Pant to quipping, “Thanks for being soft today,” with a wink. Pant, the most expensive player in IPL history at ₹27 crore, is struggling for form this season along with other key batters like Nicholas Pooran, leaving LSG at the bottom of the table.
