ആലപ്പുഴ: നിയമസഭാ തിരഞ്ഞെടുപ്പിലെ യു.ഡി.എഫിന്റെ മിന്നും വിജയത്തിന് പിന്നിലെ വിജയശില്പി കെ.സി. വേണുഗോപാലാണെന്ന് വെള്ളാപ്പള്ളി നടേശൻ. വി.ഡി. സതീശനെ മുഖ്യമന്ത്രിയായി പ്രഖ്യാപിച്ച ഹൈക്കമാൻഡ് തീരുമാനത്തെ സ്വാഗതം ചെയ്യുന്നതായും അദ്ദേഹം വാർത്താസമ്മേളനത്തിൽ വ്യക്തമാക്കി.(Vellappally Natesan on UDF victory, Calls KC Venugopal Architect Of UDF Victory)
കെ.സി. വേണുഗോപാൽ മികച്ച രീതിയിൽ പ്രവർത്തിച്ചു. അദ്ദേഹമാണ് ഈ വിജയത്തിന്റെ ശില്പി. രമേശ് ചെന്നിത്തല അവഗണിക്കപ്പെട്ടുവെന്നും, അദ്ദേഹം ഒരു ‘ഭാഗ്യദോഷിയാണെന്നു’ പറയാമെന്നും വെള്ളാപ്പള്ളി അഭിപ്രായപ്പെട്ടു. പ്രതിപക്ഷ നേതാവ് എന്ന നിലയിൽ സതീശന്റെ പ്രവർത്തനങ്ങൾ പ്രശംസനീയമായിരുന്നു.
എൻ.എസ്.എസ് നേതൃത്വത്തിന്റെ പ്രസ്താവന അനവസരത്തിലുള്ളതാണ്. എല്ലാം കഴിഞ്ഞിട്ടാണോ ഇത് പറയുന്നതെന്നും അദ്ദേഹം പരിഹസിച്ചു. പുതിയ സർക്കാരിൽ മുസ്ലീം ലീഗിന് കൂടുതൽ പ്രാതിനിധ്യം ലഭിക്കുമെന്നും, ഒരു സമ്മർദ്ദ ഗ്രൂപ്പ് എന്ന നിലയിൽ ലീഗ് കാര്യങ്ങൾ നേടിയെടുക്കുമെന്നും അദ്ദേഹം വിലയിരുത്തി. എൽ.ഡി.എഫ് അധികാരത്തിൽ വരണമെന്ന് താൻ ആഗ്രഹിച്ചിരുന്നുവെന്നും വെള്ളാപ്പള്ളി കൂട്ടിച്ചേർത്തു.
Story Summary
SNDP Yogam General Secretary Vellappally Natesan praised the UDF’s election victory, terming K.C. Venugopal the “architect of success.” While acknowledging V.D. Satheesan as the new Chief Minister, he remarked that Ramesh Chennithala was “unlucky” to be sidelined and dismissed the NSS leadership’s recent criticism of the appointment as ill-timed.
