ഇടുക്കി: മുല്ലപ്പെരിയാർ അണക്കെട്ടിലെ ജലനിരപ്പ് ഉയരുന്നതിനായി തേക്കടിയിൽ സർവ്വമത പ്രാർഥനയുമായി തമിഴ്നാട്ടിലെ കർഷക സംഘടനകൾ. അണക്കെട്ടിൽ നിന്നും തമിഴ്നാട്ടിലേക്ക് വെള്ളം കൊണ്ടുപോകുന്ന തേക്കടിയിലെ സ്പിൽവേ ഷട്ടറിന് സമീപമാണ് അഞ്ച് ജില്ലകളിൽ നിന്നുള്ള കർഷകർ ഒത്തുചേർന്ന് പ്രത്യേക പ്രാർഥന നടത്തിയത്.(Tamil Nadu Farmers Hold All Religion Prayer At Mullaperiyar Dam Hoping For Water Rise)
ഡാമിൽ ആവശ്യത്തിന് വെള്ളമില്ലാത്തതിനാൽ ഈ വർഷം ജലസേചനത്തിനായി തമിഴ്നാട്ടിലേക്ക് ഇതുവരെ വെള്ളം തുറന്നുവിടാൻ കഴിഞ്ഞിട്ടില്ല. സാധാരണയായി ജൂൺ ആദ്യവാരത്തോടെ തന്നെ തമിഴ്നാട് വെള്ളം കൊണ്ടുപോയി തുടങ്ങാറുള്ളതാണ്. എന്നാൽ ഇത്തവണ മഴ കുറഞ്ഞതോടെ അണക്കെട്ടിലെ ജലനിരപ്പ് 112 അടിയായി താഴുകയായിരുന്നു.
മുൻപ് 2019-ലും സമാനമായ രീതിയിൽ ഡാമിലെ ജലനിരപ്പ് വൻതോതിൽ താഴ്ന്നിരുന്നു. അന്ന് ഇതേ സ്ഥലത്ത് സർവ്വമത പ്രാർഥന നടത്തിയതിന് പിന്നാലെ മഴ പെയ്യുകയും ജലനിരപ്പ് ഉയരുകയും ചെയ്തുവെന്നാണ് കർഷകരുടെ അവകാശവാദം.
Story Summary
Farmers from five districts in Tamil Nadu held an all-religion prayer meet near the Thekkady spillway shutter, praying for a rise in the Mullaperiyar dam’s water level. Agricultural activities in Tamil Nadu are facing a severe crisis as the water level has dropped to 112 feet, preventing the usual June water release.
