കൊല്ലം: കരുനാഗപ്പള്ളിയിലെ പ്രമുഖ മന്തി റെസ്റ്റോറന്റായ ‘മന്തി മൻസിലിൽ’ യുവാവിന്റെ പരാക്രമം. യാതൊരുവിധ പ്രകോപനവുമില്ലാതെ ഹോട്ടലിന്റെ മുൻവശത്തെ ചില്ലുകൾ പൂർണ്ണമായും അടിച്ചുതകർത്ത തേവലക്കര സ്വദേശി അജ്മലിനെ കരുനാഗപ്പള്ളി പൊലീസ് കസ്റ്റഡിയിലെടുത്തു.(Karunagappally restaurant attack, Drunk Youth Smashes Glass Windows)
തിങ്കളാഴ്ച രാത്രി ഹോട്ടലിൽ നല്ല തിരക്കുള്ള സമയത്തായിരുന്നു സംഭവം. പുറത്തുനിന്നും അക്രമാസക്തനായി ഓടിക്കയറി വന്ന പ്രതി കൈയിലുണ്ടായിരുന്ന സാധനങ്ങൾ ഉപയോഗിച്ച് വലിയ ചില്ലുകൾ അടിച്ചുതകർക്കുകയായിരുന്നു. പെട്ടെന്നുണ്ടായ ആക്രമണത്തിൽ ഏവരും പരിഭ്രാന്തരായി.
തുടർന്ന് ഏറെ പണിപ്പെട്ടാണ് അജ്മലിനെ കീഴ്പ്പെടുത്തിയത്. ഉടൻ തന്നെ വിവരമറിയിച്ചതിനെ തുടർന്ന് കരുനാഗപ്പള്ളി പൊലീസ് സ്ഥലത്തെത്തി ഇയാളെ കസ്റ്റഡിയിലെടുത്തു. ആക്രമണം നടത്തുമ്പോൾ പ്രതി കടുത്ത മദ്യലഹരിയിലായിരുന്നുവെന്ന് വൈദ്യപരിശോധനയ്ക്ക് ശേഷം പൊലീസ് സ്ഥിരീകരിച്ചു.
Story Summary
A youth from Thevalakkara ran amok and smashed the glass facade of ‘Mandhi Manzil’ restaurant in Karunagappally under heavy influence of alcohol. Restaurant staff and locals restrained the unprovoked attacker before handing him over to the Karunagappally police, who are now investigating the motive.
