തിരുവനന്തപുരം: കേരള മുഖ്യമന്ത്രിയായി ചുമതലയേറ്റ ശേഷമുള്ള വി.ഡി. സതീശന്റെ പ്രധാനമന്ത്രിയുമായുള്ള കൂടിക്കാഴ്ച ഇന്ന്. രാവിലെ 11:15-ന് പ്രധാനമന്ത്രിയുടെ സേവാതീർത്ഥിലെ ഓഫീസിലെത്തി അദ്ദേഹം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. കേരളത്തിന്റെ വികസനവുമായി ബന്ധപ്പെട്ട നിർണായക വിഷയങ്ങളും കേന്ദ്ര സഹായങ്ങളും കൂടിക്കാഴ്ചയിൽ പ്രധാന ചർച്ചയാകും.(Kerala Chief Minister VD Satheesan To Meet Prime Minister Narendra Modi In Delhi Today)
തുടർന്ന് ഉച്ചയ്ക്ക് ശേഷം കേന്ദ്ര ധനമന്ത്രി നിർമല സീതാരാമനുമായും മുഖ്യമന്ത്രി കൂടിക്കാഴ്ച നടത്തും. നാളെ ആഭ്യന്തര മന്ത്രി അമിത് ഷായെ കണ്ട ശേഷമായിരിക്കും അദ്ദേഹം കേരളത്തിലേക്ക് മടങ്ങുക. സന്ദർശനത്തിൽ രാഷ്ട്രീയ അജണ്ടകൾ ഉൾപ്പെട്ടിട്ടുണ്ടോ എന്ന കാര്യത്തിൽ വ്യക്തതയില്ല.
എയിംസ്, റെയിൽവേ വികസനം, മെട്രോ റെയിൽ വിപുലീകരണം, വിവിധ തുറമുഖ പദ്ധതികൾ എന്നിവയുൾപ്പെടെ കേന്ദ്രത്തിന്റെ അനുമതിയും സാമ്പത്തിക സഹായവും ആവശ്യമായ നിരവധി ആവശ്യങ്ങൾ മുഖ്യമന്ത്രി പ്രധാനമന്ത്രിക്ക് മുന്നിൽ അവതരിപ്പിക്കുമെന്നാണ് സൂചന. കഴിഞ്ഞ ആഴ്ച ഡൽഹിയിലെത്തിയ വി.ഡി. സതീശൻ സോണിയ ഗാന്ധി, രാഹുൽ ഗാന്ധി, മല്ലികാർജുൻ ഖാർഗെ തുടങ്ങിയ മുതിർന്ന കോൺഗ്രസ് നേതാക്കളുമായി കൂടിക്കാഴ്ച നടത്തിയിരുന്നു.
Story Summary
Kerala Chief Minister V.D. Satheesan will hold his first official meeting with Prime Minister Narendra Modi in New Delhi today. The discussion is expected to focus on seeking central assistance for Kerala’s major development projects, including AIIMS, railway expansion, and metro projects.
