തിരുവനന്തപുരം: സംസ്ഥാനത്തിന്റെ സാമ്പത്തിക സ്ഥിതി അതീവ ഗുരുതരമെന്ന് ധവളപത്രം പുറത്തിറക്കിയതിന് പിന്നാലെ, ധനമന്ത്രി കൂടിയായ മുഖ്യമന്ത്രി വി ഡി സതീശൻ ഇന്ന് നിയമസഭയിൽ ബജറ്റ് അവതരിപ്പിക്കുന്നു. രാവിലെ 9 മണിക്ക് ബജറ്റ് നടപടികൾ ആരംഭിക്കും. കടുത്ത സാമ്പത്തിക പ്രതിസന്ധിക്കിടയിൽ വരുമാന വർദ്ധനവിന് സർക്കാർ എന്ത് മാർഗ്ഗങ്ങൾ സ്വീകരിക്കുമെന്നതാണ് പ്രധാന ആകാംക്ഷ.(Kerala Budget 2026 to be Presented Amidst Financial Crisis)
പുതിയ നികുതികൾ ചുമത്തുന്നതിന് പകരം, നികുതിയേതര വരുമാനം വർദ്ധിപ്പിക്കുന്നതിനുള്ള നടപടികൾക്ക് ബജറ്റിൽ മുൻഗണന നൽകുമെന്നാണ് സൂചന. കേന്ദ്ര വിഹിതം പരമാവധി നേടിയെടുക്കുന്നതിനായുള്ള പ്രത്യേക പദ്ധതികൾക്കും ഊന്നൽ നൽകിയേക്കും.
കിഫ്ബിയുടെ പ്രവർത്തനങ്ങളിൽ വരുത്താൻ സാധ്യതയുള്ള മാറ്റങ്ങളാണ് രാഷ്ട്രീയ കേരളം ഉറ്റുനോക്കുന്നത്. സാധാരണക്കാരെ ബാധിക്കുന്ന തരത്തിലുള്ള അധിക നികുതി ഭാരങ്ങൾ അടിച്ചേൽപ്പിക്കാതെ ബജറ്റ് അവതരിപ്പിക്കാനാണ് സർക്കാർ ശ്രമിക്കുക. സാമ്പത്തിക പ്രതിസന്ധി നിലനിൽക്കുന്നതിനാൽ വൻകിട പദ്ധതികൾക്ക് പകരം നിലവിലുള്ളവയുടെ പൂർത്തീകരണത്തിനാകും മുൻഗണന നൽകുക.
Story Summary
VD Satheesan Government to present the state budget today amidst a severe financial crisis. The focus remains on revenue generation without imposing additional tax burdens on the public, alongside potential restructuring of KIIFB projects.
