ഗീതു മോഹൻദാസിന്റെ സംവിധാനത്തിൽ യഷ് നായകനാകുന്ന ‘ടോക്സിക്’ സിനിമയിലെ ഗാനമായ ‘തബാഹി’യുടെ ഒഫീഷ്യൽ മ്യൂസിക് വീഡിയോ പുറത്തിറങ്ങി. ഓഡിയോ റിലീസിന് പിന്നാലെ തരംഗമായ ഗാനത്തിന്റെ ദൃശ്യാവിഷ്കാരം ആരാധകർക്ക് വലിയൊരു വിഷ്വൽ ട്രീറ്റാണ് സമ്മാനിക്കുന്നത്. ചിത്രത്തിന്റെ മ്യൂസിക് പാർട്ണറായ സീ മ്യൂസിക് കമ്പനിയാണ് ഗാനം പുറത്തുവിട്ടത്.(Toxic movie song Tabaahi, Yash Starrer Toxic First Music Video Tabaahi Released Featuring Kiara Advani)
യഷും കിയാര അദ്വാനിയും ആദ്യമായി ഒന്നിക്കുന്ന ഈ ഗാനരംഗം പ്രണയത്തിന്റെ തീവ്രതയും സൗന്ദര്യവും ദൃശ്യഭംഗിയോടെ അവതരിപ്പിക്കുന്നു. ഇരുവരുടെയും കെമിസ്ട്രിയാണ് പാട്ടിന്റെ പ്രധാന ആകർഷണം. വിശാൽ മിശ്ര ഈണമിട്ട് ആലപിച്ച ഗാനം ഹിന്ദിക്ക് പുറമെ കന്നഡ, തെലുങ്ക്, തമിഴ്, മലയാളം ഭാഷകളിലും ലഭ്യമാണ്. ഇതൊരു സാധാരണ പ്രണയഗാനമല്ലെന്നും യഷിന്റെ സ്ക്രീൻ പ്രസൻസിന് അനുയോജ്യമായ തീക്ഷ്ണമായ അനുഭവമാണെന്നും സംഗീതസംവിധായകൻ വിശാൽ മിശ്ര പറഞ്ഞു.
യഷിനൊപ്പം നയൻതാര, കിയാര അദ്വാനി, ഹുമ ഖുറേഷി, രുക്മിണി വസന്ത്, താര സുതാരിയ എന്നിവർ പ്രധാന വേഷങ്ങളിലെത്തുന്ന ‘ടോക്സിക്: എ ഫെയറി ടെയിൽ ഫോർ ഗ്രോൺ-അപ്സ്’ കെവിഎൻ പ്രൊഡക്ഷൻസും മോൺസ്റ്റർ മൈൻഡ് ക്രിയേഷൻസും ചേർന്ന് നിർമ്മിക്കുന്ന ബിഗ് ബജറ്റ് ചിത്രമാണ്. സിനിമ 2026 ഓഗസ്റ്റ് 26-ന് തിയറ്ററുകളിലെത്തും.
Story Summary
The first music video ‘Tabaahi’ from the highly anticipated pan-Indian movie ‘Toxic’, starring Yash and Kiara Advani, has been released. Directed by Geetu Mohandas, the soulful song composed by Vishal Mishra showcases brilliant on-screen chemistry and sets high expectations ahead of the film’s global release on August 26, 2026.
