കോഴിക്കോട്: മരുമകളുടെ ആക്രമണത്തിൽ വയോധികരായ ദമ്പതികൾക്ക് ഗുരുതര പരിക്ക്. നാദാപുരം ചേലക്കാട് കോരപ്പുറത്ത് വീട്ടിൽ കണ്ണൻ (71), ഭാര്യ ദേവി (60) എന്നിവർക്കാണ് മരുമകളായ നീതുവിൽ നിന്ന് മർദ്ദനമേറ്റത്. കുടുംബവഴക്കിനെത്തുടർന്നാണ് ആക്രമണം ഉണ്ടായതെന്ന് പോലീസ് അറിയിച്ചു.(Elderly Couple Assaulted By Daughter In Law In Nadapuram)
കഴിഞ്ഞദിവസം ഉച്ചയ്ക്ക് ഒരു മണിയോടെയായിരുന്നു സംഭവം. വീട്ടിൽ വെച്ച് ഭർതൃപിതാവായ കണ്ണനെ തടഞ്ഞുവെച്ച നീതു, കൈയിലുണ്ടായിരുന്ന കത്തി ഉപയോഗിച്ച് അദ്ദേഹത്തിന്റെ ചെവിയിൽ കുത്തി പരിക്കേൽപ്പിക്കുകയായിരുന്നു. ഇതിനുപിന്നാലെയാണ് ഭർതൃമാതാവായ ദേവിയെ ആക്രമിച്ചത്.
കുളിമുറിയിൽ വെച്ച് ദേവിയെ ക്രൂരമായി മർദ്ദിച്ച നീതു, വയോധികയുടെ തല ടൈലിൽ ഇടിപ്പിക്കുകയും ചെയ്തു. ഗുരുതരമായി പരിക്കേറ്റ ദമ്പതികളെ ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് അന്വേഷണം ആരംഭിച്ചു.
Story Summary
A 71-year-old man and his 60-year-old wife were brutally assaulted by their daughter-in-law, Neethu, following a family dispute in Nadapuram, Kozhikode. The elderly couple sustained serious injuries, including a stab wound to the ear and head injuries caused by physical abuse, and are currently undergoing medical treatment. Nadapuram police have registered a case and are investigating the incident.
