മുംബൈ: കഴിഞ്ഞ കുറച്ചുദിവസങ്ങളായി സോഷ്യൽ മീഡിയയിൽ തന്റെ ആരോഗ്യനിലയെക്കുറിച്ച് പ്രചരിക്കുന്ന ആശങ്കകൾക്ക് ഒടുവിൽ മറുപടിയുമായി ബോളിവുഡ് താരം സൽമാൻ ഖാൻ. തനിക്കൊരു ആരോഗ്യപ്രശ്നവുമില്ലെന്നും, വരാനിരിക്കുന്ന സിനിമകൾക്കായി ബോധപൂർവ്വം 16 കിലോ ശരീരഭാരം കുറയ്ക്കുകയാണ് ചെയ്തതെന്നും താരം വ്യക്തമാക്കി.(Salman Khan Clarifies Health Concerns Reveals 16 Kg Weight Loss Transformation)
ഒരു റിയാലിറ്റി ഷോയുടെ പ്രൊമോയിൽ സഹോദരൻ സൊഹൈൽ ഖാനോടൊപ്പമുള്ള സംഭാഷണത്തിനിടയിലാണ് സൽമാൻ തന്റെ പുതിയ ലുക്കിന് പിന്നിലെ രഹസ്യം വെളിപ്പെടുത്തിയത്. മുംബൈയിൽ നടന്ന ഒരു പൊതുപരിപാടിയിലെ സൽമാന്റെ പുതിയ മെലിഞ്ഞ ലുക്കിലുള്ള വീഡിയോ സോഷ്യൽ മീഡിയയിൽ വൈറലായതോടെയാണ് ആരാധകർ താരത്തിന്റെ ആരോഗ്യത്തിൽ ആശങ്ക പ്രകടിപ്പിച്ച് രംഗത്തെത്തിയത്.
എന്നാൽ അത് സിനിമയ്ക്കായുള്ള തന്റെ ഫിറ്റ്നസ് യാത്രയുടെ ഭാഗമാണെന്ന് സൽമാൻ ഖാൻ വ്യക്തമാക്കിയതോടെ ആരാധകർക്ക് ആശ്വാസമായി. പരിപാടിയിൽ സൊഹൈൽ ഖാൻ 12 കിലോ ഭാരം കുറച്ചതായി പറഞ്ഞപ്പോൾ താൻ 16 കിലോ കുറച്ചെന്നായിരുന്നു സൽമാന്റെ മറുപടി.
Story Summary
Actor Salman Khan addressed health concerns following viral videos of his lean appearance, confirming he intentionally lost 16 kg for upcoming film roles. Speaking on a show alongside Sohail Khan, the Bollywood star reassured fans about his fitness journey.
