മലപ്പുറം: പാണക്കാട് – വേങ്ങര റോഡിലേക്ക് വൻതോതിൽ മണ്ണിടിഞ്ഞു വീണ സംഭവത്തിൽ വിശദമായ അന്വേഷണത്തിന് ഉത്തരവിട്ട് പൊതുമരാമത്ത് വകുപ്പ്. സംഭവത്തിൽ സമഗ്രമായ അന്വേഷണം നടത്തി റിപ്പോർട്ട് സമർപ്പിക്കാൻ മന്ത്രി ജില്ലാ കളക്ടർക്ക് നിർദ്ദേശം നൽകി.(Panakkad Road Landslide Investigation Ordered Building Permit Cancellation)
അതേസമയം, നിബന്ധനകൾ ലംഘിച്ച് നിർമ്മാണ പ്രവർത്തനം നടത്തിയ ഭൂവുടമയുടെ ബിൽഡിംഗ് പെർമിറ്റ് റദ്ദാക്കാനുള്ള നടപടികൾ മലപ്പുറം നഗരസഭ ആരംഭിച്ചു. കുന്നിൻ ചെരുവിൽ ബിൽഡിംഗ് നിർമ്മാണത്തിനായി മണ്ണെടുത്ത ഭാഗത്തുനിന്നാണ് ഇന്നലെ വൻതോതിൽ മണ്ണിടിച്ചിലുണ്ടായത്.
ഇയാൾക്ക് നഗരസഭ കാരണം കാണിക്കൽ നോട്ടീസ് അയച്ചിട്ടുണ്ട്. അനുമതി റദ്ദാക്കാൻ മന്ത്രി പി.കെ. കുഞ്ഞാലിക്കുട്ടിയും നഗരസഭയ്ക്ക് നിർദ്ദേശം നൽകിയിട്ടുണ്ട്. മണ്ണിടിച്ചിൽ ഉണ്ടായപ്പോൾ ജനങ്ങൾ ഇരുവശങ്ങളിലേക്കും ഓടി രക്ഷപ്പെട്ടതിനാലാണ് വൻ ജീവഹാനി ഒഴിവായത്.
Story Summary
A detailed probe was ordered into the massive landslide on the Panakkad Vengara road in Malappuram, triggered by unauthorized slope cutting. The municipality has issued a show cause notice to cancel the building permit of the private landowner responsible.
