മുംബൈ: കാൻ ഫിലിം ഫെസ്റ്റിവലിൽ ഇത്തവണ ഐശ്വര്യ റായ് പങ്കെടുക്കില്ലേ എന്ന ആരാധകരുടെ ആശങ്കകൾക്ക് വിരാമം. ഫെസ്റ്റിവലിൽ പങ്കെടുക്കാനായി മകൾ ആരാധ്യ ബച്ചനൊപ്പം മുംബൈ എയർപോർട്ടിൽ എത്തിയ തെന്നിന്ത്യൻ സുന്ദരിയുടെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ തരംഗമാകുന്നത് (Aishwarya Rai Cannes Film Festival Airport Look). കറുപ്പ് നിറത്തിലുള്ള വസ്ത്രങ്ങൾ അണിഞ്ഞ് സ്റ്റൈലിഷ് ലുക്കിലായിരുന്നു അമ്മയും മകളും എത്തിയത്.
ധ്രുവ് കപൂറിന്റെ ഡിസൈനർ കളക്ഷനിൽ നിന്നുള്ള ബ്ലാക്ക് ബ്ലേസറും പാന്റസുമായിരുന്നു ഐശ്വര്യയുടെ വേഷം. ഇതിനൊപ്പം താരം ധരിച്ചിരുന്ന ഗുച്ചി സിഗ്നോറിയ ബൂട്സിന് ഏകദേശം 1.78 ലക്ഷം രൂപയാണ് വില വരുന്നത്. എന്നാൽ ഫാഷൻ ലോകത്തിന്റെ ശ്രദ്ധ മുഴുവൻ കവർന്നത് ഐശ്വര്യ കയ്യിൽ കരുതിയിരുന്ന ‘ഗുച്ചി ഡയാന’ ബാഗാണ്. സെക്കൻഡ് ഹാൻഡ് മാർക്കറ്റിൽ പോലും 2.1 ലക്ഷം മുതൽ 2.39 ലക്ഷം രൂപ വരെ വിലമതിക്കുന്നതാണ് ഈ ലക്ഷ്വറി ബാഗ്. ഗുച്ചിയുടെ ഔദ്യോഗിക വെബ്സൈറ്റിൽ ലഭ്യമായ ഇതിന്റെ ബ്രൗൺ വേരിയന്റിന് ഏകദേശം 4.3 ലക്ഷം രൂപയോളം വിലയുണ്ട്. 2002-ൽ ‘ദേവദാസ്’ എന്ന ചിത്രവുമായി കാനിൽ ആദ്യമായി എത്തിയ ഐശ്വര്യ റായ്, മേളയുടെ ചരിത്രത്തിൽ ഒഴിവാക്കാനാകാത്ത ഒരു ഇന്ത്യൻ സാന്നിധ്യമാണ്.
View this post on Instagram
