കൊച്ചി: ഓണത്തോടൊപ്പം ഇന്ത്യ ഉത്സവ സീസണിലേക്ക് പ്രവേശിക്കാനിരിക്കെ, ലോകോത്തര പ്രീമിയം വീട്ടുപകരണ ബ്രാൻഡുകളായ ബോഷ് (Bosch), സീമൻസ് (Siemens) എന്നിവയുടെ മാതൃകമ്പനിയായ ബിഎസ്എച്ച് ഹോം അപ്ലയൻസസ് (BSH Home Appliances Pvt. Ltd.) തങ്ങളുടെ സ്മോൾ അപ്ലയൻസ് പോർട്ട്ഫോളിയോയുടെ ആദ്യ സംയോജിത പ്രദർശനം കൊച്ചിയിൽ അവതരിപ്പിച്ചു. ഫുഡ് പ്രിപ്പറേഷൻ, കുക്കിങ്, പ്രീമിയം കോഫി സൊല്യൂഷനുകൾ എന്നിവയ്ക്കായുള്ള ഉൽപ്പന്നങ്ങളാണ് ഒറ്റക്കൂരക്കീഴിൽ ഇവിടെ പ്രദർശിപ്പിച്ചിരിക്കുന്നത്.
ഇന്ത്യൻ പാചകരീതിക്ക് അനുയോജ്യമായ ജർമ്മൻ സാങ്കേതികവിദ്യയാണ് ഈ ഉൽപ്പന്നങ്ങളിൽ ഒരുക്കിയിരിക്കുന്നത്. പരമ്പരാഗത ഓണസദ്യ നിർമ്മാണത്തിൽ നിന്നും പ്രചോദനം ഉൾക്കൊണ്ടാണ് ഈ പ്രദർശനം രൂപകൽപ്പന ചെയ്തത്. കല്ലിൽ അരച്ചെടുക്കുന്ന മസാലകളുടെ ആധികാരികമായ രുചിയും ഘടനയും പുനർനിർമ്മിക്കാൻ സഹായിക്കുന്ന പേറ്റന്റ് നേടിയ ‘സ്റ്റോൺ പൗണ്ടിംഗ് സാങ്കേതികവിദ്യ’ അടങ്ങിയ Bosch TrueMixx Pro Mixer Grinder, 40-ലധികം പാചക തയ്യാറെടുപ്പ് പ്രവർത്തനങ്ങൾ ഉൾക്കൊള്ളുന്ന Bosch PureMixx Plus, ആരോഗ്യകരമായ പാചകത്തിനായി Bosch Crispmaxx Air Fryer എന്നിവ പ്രദർശനത്തിന്റെ പ്രധാന ആകർഷണങ്ങളാണ്. കൂടാതെ ബോഷ് ഇൻഡക്ഷൻ കുക്ക്ടോപ്പുകൾ, ട്രൂ സേഫ് ഗ്യാസ് സ്റ്റൗവുകൾ, ജ്യൂസറുകൾ, Bosch, Siemens EQ700 ബ്രാൻഡുകളുടെ ഫുള്ളി ഓട്ടോമാറ്റിക് കോഫി മെഷീനുകൾ എന്നിവയും അവതരിപ്പിച്ചു.
40,000 കോടിയിലധികം മൂല്യമുള്ള ഇന്ത്യൻ സ്മോൾ അപ്ലയൻസ് വിപണി പ്രതിവർഷം 8-9% വളർച്ച കൈവരിക്കുന്നുണ്ടെന്ന് ബിഎസ്എച്ച് ഇന്ത്യ മാനേജിങ് ഡയറക്ടറും സിഇഒയുമായ സെയ്ഫ് ഖാൻ പറഞ്ഞു. ഇന്ത്യൻ സംസ്കാരവും പാചക പാരമ്പര്യങ്ങളും കാത്തുസൂക്ഷിച്ചുകൊണ്ട് പാചകം കൂടുതൽ ലളിതമാക്കുകയാണ് തങ്ങളുടെ ലക്ഷ്യമെന്നും അദ്ദേഹം കൂട്ടിച്ചേർത്തു.
ഓണം പ്രമാണിച്ചുള്ള പ്രമോഷണൽ ഓഫറുകൾ:
തിരഞ്ഞെടുത്ത ബോഷ് പ്യുവർമിക്സ്, എയർ ഫ്രയർ, മിക്സർ ഗ്രൈൻഡർ മോഡലുകൾ വാങ്ങുമ്പോൾ 975 രൂപ വിലമതിക്കുന്ന ബോറോസിൽ (Borosil) ഗ്ലാസ് ടിഫിൻ സൗജന്യമായി ലഭിക്കും.
പഴയ മിക്സർ ഗ്രൈൻഡറുകൾ എക്സ്ചേഞ്ച് ചെയ്യുമ്പോൾ ബോഷ് തിരഞ്ഞെടുത്ത മോഡലുകളിൽ 35 ശതമാനം വരെ കിഴിവ് ലഭിക്കും.
3,000 രൂപയ്ക്ക് മുകളിലുള്ള ഓരോ പർച്ചേസിനും 250 രൂപയുടെ ക്യാഷ്ബാക്ക് സ്ക്രാച്ച് കാർഡും ലഭിക്കും.
കൂടാതെ പ്രമോഷണൽ കാലയളവിൽ 10 ലക്ഷം രൂപ വിലമതിക്കുന്ന ഇലക്ട്രിക് കാർ, ആകർഷകമായ ഗിഫ്റ്റ് വൗച്ചറുകൾ എന്നിവ അടങ്ങുന്ന ബമ്പർ സമ്മാനങ്ങൾ നേടാനും അവസരമുണ്ട്.
Story Summary:
BSH Home Appliances launched its integrated Small Domestic Appliances portfolio for Bosch and Siemens in Kochi, tailored for the upcoming Onam festival season. The company highlighted traditional cooking solutions like stone-pounding mixer grinders alongside lucrative Onam exchange offers, scratch cards, and a bumper prize including an electric car.
