തിരുവനന്തപുരം: വി.ഡി. സതീശനെ മുഖ്യമന്ത്രിയായി തിരഞ്ഞെടുത്തത് ജനാധിപത്യപരമായ നടപടികളിലൂടെയാണെന്നും, പാർട്ടി തീരുമാനം എല്ലാവരും ഒറ്റക്കെട്ടായി അംഗീകരിക്കണമെന്നും രാജ്മോഹൻ ഉണ്ണിത്താൻ എം.പി വ്യക്തമാക്കി. ജനവികാരം മാനിച്ചും ഘടകകക്ഷികളുടെ അഭിപ്രായം ഉൾക്കൊണ്ടും ഹൈക്കമാൻഡ് എടുത്ത ഈ തീരുമാനം പാർട്ടിയുടെ മുന്നോട്ടുള്ള യാത്രയ്ക്ക് അനിവാര്യമാണെന്ന് അദ്ദേഹം പറഞ്ഞു.(Rajmohan Unnithan Asks Congress Leaders To Support VD Satheesan)
തീരുമാനം വന്നതിന് ശേഷം കെ.സി. വേണുഗോപാൽ സ്വീകരിച്ച നിലപാട് മാതൃകാപരമാണ്. വിവാദങ്ങൾക്ക് വിട നൽകി പാർട്ടി ഒറ്റക്കെട്ടായി മുന്നോട്ട് പോകേണ്ട സമയമാണിത്. സീനിയോറിറ്റി നോക്കിയല്ല ഹൈക്കമാൻഡ് തീരുമാനങ്ങൾ എടുക്കുന്നത്. കാലത്തിനനുസരിച്ചുള്ള മാറ്റങ്ങൾ പാർട്ടിക്കുണ്ടാകണം. ജനവികാരം കാണാതെ കോൺഗ്രസിന് മുന്നോട്ട് പോകാൻ കഴിയില്ലെന്ന് അദ്ദേഹം ഓർമ്മിപ്പിച്ചു.
രമേശ് ചെന്നിത്തലയുടെ വിയോജിപ്പായി പുറത്തുവരുന്ന വാർത്തകൾ ശരിയാണെങ്കിൽ അത് ദൗർഭാഗ്യകരമാണ്. മുഖ്യമന്ത്രി പദവി ലഭിച്ച വി.ഡി. സതീശൻ എല്ലാവരെയും ചേർത്തുപിടിച്ച് മുന്നോട്ട് പോകാൻ പ്രാപ്തനാകണം.
Story Summary
Rajmohan Unnithan MP has urged Congress leaders to unite and accept the High Command’s decision to appoint V.D. Satheesan as Kerala’s Chief Minister. He emphasized that the decision reflects public sentiment and regional necessity rather than mere seniority, while describing K.C. Venugopal’s supportive stance as exemplary.
