ഗ്ലാസ്ഗോ: 2026 ഗ്ലാസ്ഗോ കോമൺവെൽത്ത് ഗെയിംസ് ഭാരോദ്വഹനത്തിൽ ഇന്ത്യയ്ക്ക് വീണ്ടും അഭിമാന നിമിഷം. പുരുഷന്മാരുടെ 110 കിലോയ്ക്ക് മുകളിലുള്ള സൂപ്പർ ഹെവിവെയ്റ്റ് വിഭാഗത്തിൽ ഇന്ത്യൻ താരം ലവ്പ്രീത് സിങ് വെള്ളി മെഡൽ നേടി.(Lovepreet Singh Wins Silver Medal Commonwealth Games 2026 Weightlifting)
സ്നാച്ചിൽ പുതിയ ഗെയിംസ് റെക്കോർഡോടെ മിന്നുന്ന പ്രകടനം പുറത്തെടുത്ത താരം വെറും 1 കിലോയുടെ നിസ്സാര വ്യത്യാസത്തിലാണ് സ്വർണമെഡൽ കൈവിട്ടത്. 2022 ബർമിംഗ്ഹാം ഗെയിംസിലെ വെങ്കല മെഡൽ നേട്ടം ഇത്തവണ വെള്ളിയിലേക്ക് ഉയർത്താൻ 28-കാരനായ ലവ്പ്രീതിനായി. സ്നാച്ചിൽ 176 കിലോയും ക്ലീൻ ആൻഡ് ജെർക്കിൽ 212 കിലോയുമടക്കം ആകെ 388 കിലോ ഉയർത്തിയാണ് ലവ്പ്രീത് രണ്ടാമതെത്തിയത്.
സ്നാച്ച് വിഭാഗത്തിൽ തന്റെ മൂന്ന് ശ്രമങ്ങളും (168 kg, 173 kg, 176 kg) വിജയകരമായി പൂർത്തിയാക്കിയ ലവ്പ്രീത് 176 കിലോ ഉയർത്തി പുതിയ ഗെയിംസ് റെക്കോർഡ് കുറിച്ചിരുന്നു. പോരാട്ടത്തിൽ ഏറെ മുന്നിലായിരുന്ന സമോവയുടെ സനേലെ മാവോ സ്നാച്ചിലെ 175 കിലോയുടെ മൂന്ന് ശ്രമങ്ങളിലും പരാജയപ്പെട്ട് പുറത്തായതോടെയാണ് മത്സരരംഗം ലവ്പ്രീതിന് അനുകൂലമായത്. സ്നാച്ച് ഘട്ടം അവസാനിക്കുമ്പോൾ പ്രധാന എതിരാളിയായ ന്യൂസിലൻഡിന്റെ ഡേവിഡ് ലിറ്റിയേക്കാൾ 10 കിലോയുടെ വ്യക്തമായ ലീഡ് നേടാനും ലവ്പ്രീതിന് സാധിച്ചിരുന്നു.
എന്നാൽ ക്ലീൻ ആൻഡ് ജെർക്കിൽ ആവേശകരമായ തിരിച്ചുവരവ് നടത്തിയ ന്യൂസിലൻഡിന്റെ ഡേവിഡ് ലിറ്റി ആകെ 389 കിലോ (സ്നാച്ച് 166 kg, ക്ലീൻ ആൻഡ് ജെർക്ക് 223 kg) ഉയർത്തി പുതിയ ഗെയിംസ് റെക്കോർഡോടെ സ്വർണം തട്ടിയെടുക്കുകയായിരുന്നു.
Story Summary
Indian weightlifter Lovepreet Singh won the silver medal in the men’s +110kg super-heavyweight category at the 2026 Commonwealth Games in Glasgow. Lovepreet set a new Games record in the snatch section with a 176kg lift and recorded a total of 388kg, narrowly missing the gold medal by just 1kg to New Zealand’s David Liti.
