ന്യൂഡൽഹി: കൽക്കാജിയിലെ സുമിത്സ് അക്കാദമിയിലെ അധ്യാപകൻ സുമിത് സെഹ്ഗാൾ വിദ്യാർത്ഥിയെ മർദ്ദിക്കുന്ന ദൃശ്യങ്ങൾ സമൂഹമാധ്യമങ്ങളിൽ വ്യാപകമായ പ്രതിഷേധത്തിന് കാരണമായി. ദൃശ്യങ്ങളിൽ അധ്യാപകൻ വിദ്യാർത്ഥിയെ അസഭ്യം പറയുന്നതും മർദ്ദിക്കുന്നതും വ്യക്തമായിരുന്നു. ഇതിനെത്തുടർന്ന് പോലീസിനെ ടാഗ് ചെയ്തുകൊണ്ട് നിരവധി പേർ നടപടി ആവശ്യപ്പെട്ട് രംഗത്തെത്തിയിരുന്നു.(Viral Delhi Coaching Center Assault Video Claims to be Staged Reenactment)
പ്രതിഷേധം ശക്തമായതോടെ അധ്യാപകനും മർദ്ദനമേറ്റെന്ന് കാണിച്ച വിദ്യാർത്ഥിയും (ഹർഷ്), വിദ്യാർത്ഥിയുടെ പിതാവും ചേർന്ന് ഒരു വിശദീകരണ വീഡിയോ പുറത്തിറക്കി. ഇരുപത് വർഷങ്ങൾക്ക് മുൻപ് അധ്യാപകർ കുട്ടികളോട് എങ്ങനെ പെരുമാറിയിരുന്നു എന്ന് കാണിക്കാൻ വേണ്ടി മാത്രം ചെയ്ത ഒരു ‘ആക്ടിംഗ്’ മാത്രമായിരുന്നു ഇതെന്നും, താൻ ഒരു വിദ്യാർത്ഥിയെയും ഉപദ്രവിക്കില്ലെന്നും സുമിത് സെഹ്ഗാൾ വ്യക്തമാക്കി. സുമിത് സാർ വളരെ നല്ലൊരു അധ്യാപകനാണെന്നും, പഴയ കാലത്തെ അധ്യാപകരുടെ പെരുമാറ്റം കാണിക്കാൻ വേണ്ടി ചെയ്ത വീഡിയോ ആണിതെന്നും ഹർഷ് പറഞ്ഞു. ഇത് വ്യാജമാണെന്നും ഇതിനെ വിശ്വസിക്കരുതെന്നും വിദ്യാർത്ഥി ആവശ്യപ്പെട്ടു.
സുമിതിനെ തനിക്ക് വളരെക്കാലമായി അറിയാമെന്നും, തന്റെ മകന്റെ വ്യക്തിത്വ വികസനത്തിൽ അദ്ദേഹം വലിയ പങ്കുവഹിച്ചിട്ടുണ്ടെന്നും പിതാവ് കപിൽ ശർമ്മ വ്യക്തമാക്കി. ഇത്തരത്തിൽ വീഡിയോ പ്രചരിപ്പിക്കുന്നത് എന്തിനാണെന്ന് തനിക്ക് മനസ്സിലാകുന്നില്ലെന്നും അദ്ദേഹം കൂട്ടിച്ചേർത്തു. എങ്കിലും, സമൂഹമാധ്യമങ്ങളിൽ ഉയർന്നു വന്ന രോഷം ഇതുവരെ ശമിച്ചിട്ടില്ല. വീഡിയോയിൽ കാണുന്നത് തികച്ചും സ്വാഭാവികമായ മർദ്ദനമാണെന്നും, പ്രതിഷേധം ഭയന്നാണ് ഇവർ പിന്നീട് ഇങ്ങനെയൊരു വിശദീകരണം നൽകിയതെന്നും ഒരു വിഭാഗം നെറ്റിസൺസ് ഇപ്പോഴും വിശ്വസിക്കുന്നു.
Story Summary
A viral video showing a teacher assaulting a student at Sumit’s Academy in Delhi’s Kalkaji sparked widespread outrage. The teacher, student, and his father later released a clarification video claiming the act was merely a staged reenactment of how teachers behaved twenty years ago. However, the explanation has been met with skepticism by internet users, many of whom believe it to be a cover-up attempt.
