മഹാരാജ്ഗഞ്ച്: പുതിയ ഷൂസ് ആര് ആദ്യം ധരിക്കും എന്നതിനെച്ചൊല്ലിയുണ്ടായ നിസ്സാര തർക്കം കൊലപാതകത്തിൽ കലാശിച്ചു (UP Teen Kills Brother). ഉത്തർപ്രദേശിലെ മഹാരാജ്ഗഞ്ച് ജില്ലയിൽ 16-കാരനായ ജ്യേഷ്ഠൻ 15-കാരനായ അനുജനെ കത്രികകൊണ്ട് കുത്തിക്കൊലപ്പെടുത്തി. തിങ്കളാഴ്ച രാവിലെ ഗുഗ്ലി പോലീസ് സ്റ്റേഷൻ പരിധിയിലെ ചൗമുഖ നൗക ടോള ഗ്രാമത്തിലാണ് സംഭവം.
സൂരജ് ശർമ്മ (16), അനുജൻ ലക്ഷ്മൺ ശർമ്മ (15) എന്നിവർ ഓൺലൈനായി ഓർഡർ ചെയ്ത പുതിയ ഷൂസ് ധരിക്കുന്നതിനെച്ചൊല്ലി തർക്കമുണ്ടായി. തർക്കം മൂർച്ഛിച്ചതോടെ പ്രകോപിതനായ സൂരജ് കത്രികയെടുത്ത് ലക്ഷ്മണിന്റെ തലയിലും കൈകളിലും മാരകമായി കുത്തുകയായിരുന്നു. ഗുരുതരമായി പരിക്കേറ്റ് വീണ ലക്ഷ്മണിനെ ഉടൻ തന്നെ കമ്മ്യൂണിറ്റി ഹെൽത്ത് സെന്ററിലും തുടർന്ന് ജില്ലാ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുന്നതിന് മുൻപേ മരണം സംഭവിച്ചതായി ഡോക്ടർമാർ സ്ഥിരീകരിച്ചു.
പ്രതിയും ഇരയും പ്രായപൂർത്തിയാകാത്തവരാണെന്ന് അഡീഷണൽ സൂപ്രണ്ട് ഓഫ് പോലീസ് സിദ്ധാർത്ഥ് കുമാർ പറഞ്ഞു. സംഭവത്തിൽ പോലീസ് കേസ് രജിസ്റ്റർ ചെയ്യുകയും നിയമനടപടികൾ ആരംഭിക്കുകയും ചെയ്തിട്ടുണ്ട്. ഓൺലൈനായി വാങ്ങിയ ഒരു ജോഡി ഷൂസിനെച്ചൊല്ലിയുള്ള ചെറിയ വഴക്ക് ഒരു കുടുംബത്തിന്റെ സന്തോഷം തല്ലിക്കെടുത്തിയതിന്റെ ഞെട്ടലിലാണ് പ്രദേശം.
Summary: In a tragic incident in Uttar Pradesh’s Maharajganj district, a 16-year-old boy allegedly killed his 15-year-old younger brother following a dispute over who would wear a new pair of shoes first. The argument escalated quickly, leading the elder brother, Suraj Sharma, to attack Laxman Sharma with a pair of scissors. Despite being rushed to the hospital, Laxman was declared brought dead. Police have initiated legal proceedings against the minor accused.
