തിരുവള്ളൂർ: തമിഴ്നാട്ടിലെ തിരുവള്ളൂർ ജില്ലയിൽ മൂന്നുവയസ്സുകാരി ക്രൂരമായ ലൈംഗികാതിക്രമത്തിന് ഇരയായി കൊല്ലപ്പെട്ടു (Sexual Assault Case). ഗുമ്മിടിപൂണ്ടിയിലെ സിപ്കോട്ട് ഇൻഡസ്ട്രിയൽ എസ്റ്റേറ്റിലെ കുടിയേറ്റ തൊഴിലാളികളുടെ മകളാണ് ദാരുണമായി കൊല്ലപ്പെട്ടത്. സംഭവത്തിൽ ബിഹാർ സ്വദേശിയായ 19 വയസ്സുകാരനെ പോലീസ് അറസ്റ്റ് ചെയ്തു. പ്രതിയും പെൺകുട്ടിയുടെ മാതാപിതാക്കളും ഒരേ സ്റ്റീൽ കമ്പനിയിലെ ജീവനക്കാരാണ്.
ഞായറാഴ്ച ഉച്ചയോടെയാണ് സംഭവം നടന്നത്. കുട്ടിയെ കാണാനില്ലെന്ന പരാതിയെത്തുടർന്ന് മാതാപിതാക്കൾ നടത്തിയ തിരച്ചിലിനൊടുവിൽ, വീടിന് സമീപത്തെ കുറ്റിക്കാട്ടിൽ അബോധാവസ്ഥയിൽ കുട്ടിയെ കണ്ടെത്തുകയായിരുന്നു. ഉടൻ തന്നെ ഗുമ്മിടിപൂണ്ടി സർക്കാർ ആശുപത്രിയിലും പിന്നീട് വിദഗ്ധ ചികിത്സയ്ക്കായി ചെന്നൈ സ്റ്റാൻലി സർക്കാർ ആശുപത്രിയിലും പ്രവേശിപ്പിച്ചെങ്കിലും കുട്ടിയുടെ ജീവൻ രക്ഷിക്കാനായില്ല. മിഠായി വാങ്ങി നൽകാമെന്ന് പറഞ്ഞ് പ്രലോഭിപ്പിച്ച് ആളൊഴിഞ്ഞ സ്ഥലത്തേക്ക് കൊണ്ടുപോയാണ് പ്രതി ക്രൂരകൃത്യം ചെയ്തതെന്ന് പോലീസ് വ്യക്തമാക്കി. തുടർനടപടികൾക്കായി പോലീസ് അന്വേഷണം ഊർജ്ജിതമാക്കിയിട്ടുണ്ട്.
Summary: A 3-year-old girl, the daughter of migrant workers, has died following a horrific sexual assault in Gummidipoondi, Thiruvallur district, Tamil Nadu. The 19-year-old accused, also a migrant worker from Bihar employed at the same steel company as the victim’s parents, allegedly lured the child away under the pretext of buying her snacks. The child was later found abandoned in a bush and succumbed to her injuries despite receiving emergency medical care in Chennai.
