കൊച്ചി: പ്രമുഖ ആഭരണ ബ്രാൻഡായ മലബാർ ഗോൾഡ് & ഡയമണ്ട്സ് മുൻ ഇന്ത്യൻ ക്രിക്കറ്റ് ക്യാപ്റ്റൻ എം.എസ്. ധോണി ( MS Dhoni) യെ പുതിയ ബ്രാൻഡ് അംബാസഡറായി പ്രഖ്യാപിച്ചു. ഉപഭോക്തൃ വിശ്വാസവും സുതാര്യതയും കൂടുതൽ ശക്തിപ്പെടുത്തുകയെന്ന ലക്ഷ്യത്തോടെയാണ് കമ്പനിയുടെ പുതിയ തീരുമാനം.
ആഭരണ വാങ്ങലിൽ വിശ്വാസത്തിനും ഉത്തരവാദിത്തപരമായ ഇടപാടുകൾക്കും പ്രാധാന്യം നൽകുന്ന മലബാർ ഗോൾഡ് & ഡയമണ്ട്സിന്റെ ബ്രാൻഡ് മൂല്യങ്ങളെ കൂടുതൽ വ്യാപകമായി ജനങ്ങളിലെത്തിക്കാൻ ധോണിയുമായുള്ള സഹകരണം സഹായകരമാകുമെന്ന് കമ്പനി അറിയിച്ചു.
ഈ സഹകരണത്തിന്റെ ഭാഗമായി ടെലിവിഷൻ, പത്രങ്ങൾ, ഡിജിറ്റൽ മാധ്യമങ്ങൾ, സോഷ്യൽ മീഡിയ, റേഡിയോ, സിനിമ, ഔട്ട്-ഓഫ്-ഹോം പരസ്യങ്ങൾ, കമ്പനിയുടെ ഔദ്യോഗിക പ്ലാറ്റ്ഫോമുകൾ എന്നിവയിലൂടെ ആഗോളതലത്തിൽ വ്യാപകമായ പ്രചാരണ പരിപാടികൾ സംഘടിപ്പിക്കും. ലോകത്തിന്റെ വിവിധ രാജ്യങ്ങളിലായി പ്രവർത്തിക്കുന്ന 450-ലധികം മലബാർ ഗോൾഡ് & ഡയമണ്ട്സ് ഷോറൂമുകളെ കേന്ദ്രീകരിച്ചായിരിക്കും ഈ കാമ്പയിൻ.
മികച്ച ഡിസൈനുകൾക്കൊപ്പം സുതാര്യത, വിശ്വാസ്യത, ഉത്തരവാദിത്തം എന്നിവയ്ക്കും ഉപഭോക്താക്കൾ കൂടുതൽ പ്രാധാന്യം നൽകുന്ന പുതിയ ആഭരണ വാങ്ങൽ സംസ്കാരം പ്രോത്സാഹിപ്പിക്കുകയെന്നതാണ് എം.എസ്. ധോണിയുമായുള്ള ഈ പങ്കാളിത്തത്തിലൂടെ ലക്ഷ്യമിടുന്നതെന്നും കമ്പനി വ്യക്തമാക്കി.
Story Summary:
Malabar Gold & Diamonds has appointed former Indian cricket captain MS Dhoni as its new brand ambassador. The partnership aims to strengthen customer trust and promote responsible, transparent jewellery shopping through a global marketing campaign.
