ന്യൂഡൽഹി: ക്യാമ്പസുകളിലെ സിസിടിവി സംവിധാനങ്ങൾ കേന്ദ്ര നെറ്റ്വർക്കുമായി അടിയന്തരമായി ബന്ധിപ്പിക്കണമെന്ന കർശന നിർദേശവുമായി നാഷണൽ മെഡിക്കൽ കമ്മീഷൻ. നിർദേശം നടപ്പാക്കാൻ ഇനിയും ബാക്കിയുള്ള രാജ്യത്തെ 70 മെഡിക്കൽ കോളേജുകൾക്കാണ് കമ്മീഷൻ അന്ത്യശാസനം നൽകിയത്. മെഡിക്കൽ വിദ്യാഭ്യാസ രംഗത്തെ സുതാര്യതയും സുരക്ഷിതത്വവും വർധിപ്പിക്കുന്നതിന്റെ ഭാഗമായാണ് നടപടി.(NMC Issues Ultimatum To Seventy Medical Colleges For Central CCTV Connectivity)
കോളേജുകളിലെ സിസിടിവി ദൃശ്യങ്ങൾ എൻഎംസിയുടെ കേന്ദ്രീകൃത നിരീക്ഷണ ശൃംഖലയുമായി ഉടൻ ഘടിപ്പിക്കണമെന്നാണ് കമ്മീഷന്റെ ഡിജിറ്റൽ മിഷൻ വിങ് അറിയിച്ചിരിക്കുന്നത്. സമയപരിധിക്കുള്ളിൽ ഈ നിർദേശം പാലിക്കാത്ത സ്ഥാപനങ്ങൾക്കെതിരെ കർശനമായ അച്ചടക്ക നടപടികൾ സ്വീകരിക്കുമെന്നും കമ്മീഷൻ മുന്നറിയിപ്പ് നൽകിയിട്ടുണ്ട്.
രാജ്യത്തെ മെഡിക്കൽ വിദ്യാഭ്യാസവും ചികിത്സാ രംഗവും നിയന്ത്രിക്കുന്ന പരമോന്നത സമിതിയായ എൻഎംസിയുടെ ഈ നീക്കം ബയോമെട്രിക് പഞ്ചിങ് അടക്കമുള്ള സംവിധാനങ്ങൾ കൃത്യമായി നിരീക്ഷിക്കുന്നതിനും ക്യാമ്പസുകളിലെ സുരക്ഷ ഉറപ്പാക്കുന്നതിനും വേണ്ടിയാണ്.
Story Summary
The National Medical Commission has issued an ultimatum to 70 medical colleges across India to immediately connect their CCTV systems with its centralized command network. Failure to comply with this security and transparency directive will lead to strict disciplinary action.
