തിരുവനന്തപുരം: സോഷ്യൽ മീഡിയയിലൂടെ മുഖ്യമന്ത്രിയെക്കുറിച്ച് തന്റെ പേരിൽ തെറ്റായ പ്രസ്താവനകൾ പ്രചരിപ്പിക്കുന്നതിനെതിരെ മുതിർന്ന കോൺഗ്രസ് നേതാവ് വി.എം. സുധീരൻ ആഭ്യന്തരമന്ത്രി രമേശ് ചെന്നിത്തലയ്ക്ക് പരാതി നൽകി. മുഹമ്മദ് ഖലീൽ എന്ന വ്യക്തിയുടെ ഫേസ്ബുക്ക് പോസ്റ്റ് വഴിയാണ് വ്യാജ പ്രചാരണം നടക്കുന്നത് എന്നും അദ്ദേഹം കൂട്ടിച്ചേർത്തു.(VM Sudheeran Files Complaint With Home Minister Ramesh Chennithala Over Fake Facebook Post)
പാലക്കാട് ഡി.സി.സി ജനറൽ സെക്രട്ടറി എം. പത്മഗിരീശൻ ശ്രദ്ധയിൽപ്പെടുത്തിയതിനെത്തുടർന്നാണ് വി.എം സുധീരൻ നിയമനടപടിയുമായി രംഗത്തെത്തിയത്. താൻ ഫേസ്ബുക്കിലോ മറ്റ് പൊതുവേദികളിലോ മുഖ്യമന്ത്രിയെക്കുറിച്ച് പറയാത്ത കാര്യങ്ങളാണ് തന്റെ പേരിൽ സോഷ്യൽ മീഡിയയിൽ പ്രചരിപ്പിക്കുന്നതെന്ന് സുധീരൻ പരാതിയിൽ വ്യക്തമാക്കുന്നു.
സർക്കാരിന്റെ നിലനിൽപ്പിനെത്തെന്നെ ചോദ്യം ചെയ്യുന്ന തരത്തിൽ ജനങ്ങളിൽ തെറ്റിദ്ധാരണ പരത്താനും വിദ്വേഷവും പ്രകോപനവും വളർത്താനുമുള്ള ഹീനമായ ശ്രമമാണ് ഈ പോസ്റ്റിന് പിന്നിലുള്ളതെന്നും അദ്ദേഹം ചൂണ്ടിക്കാട്ടി. വിഷയത്തിന്റെ ഗൗരവം കണക്കിലെടുത്ത് അടിയന്തിരമായി അന്വേഷണം നടത്തി കുറ്റക്കാരെ നിയമത്തിന് മുന്നിൽ കൊണ്ടുവരണമെന്ന് ആഭ്യന്തരമന്ത്രിക്ക് അയച്ച കത്തിൽ വി.എം സുധീരൻ ആവശ്യപ്പെട്ടു.
Story Summary
Senior Congress leader V.M. Sudheeran has filed a complaint with Home Minister Ramesh Chennithala against a fake Facebook post circulating misattributed statements about the Chief Minister. Sudheeran stated that the fabricated post aims to create hatred and misunderstanding among the public regarding the stability of the government. He urged the Home Minister to launch an immediate investigation and take strict legal action against those responsible.
