തിരുവനന്തപുരം: സംസ്ഥാനത്ത് വിവിധയിടങ്ങളിൽ കനത്ത മഴ രൂക്ഷമായി തുടരുന്ന സാഹചര്യത്തിൽ 8 ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചു. ഇടുക്കി, പത്തനംതിട്ട, വയനാട്, പാലക്കാട്, കോട്ടയം, മലപ്പുറം, ആലപ്പുഴ, കോഴിക്കോട് എന്നീ ജില്ലകളിലാണ് പ്രാദേശിക ഭരണകൂടവും ജില്ലാ കളക്ടർമാരും അവധി പ്രഖ്യാപിച്ചിരിക്കുന്നത്.(Kerala Rains School Holiday Declared In 8 Districts HDC Exam Postponed)
അങ്കണവാടികൾ, ട്യൂഷൻ സെന്ററുകൾ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. എന്നാൽ മുൻകൂട്ടി നിശ്ചയിച്ച പൊതുപരീക്ഷകൾക്ക് മാറ്റമുണ്ടാകില്ലെന്ന് അധികൃതർ വ്യക്തമാക്കിയിട്ടുണ്ട്.
അതേസമയം, മോശം കാലാവസ്ഥയെ തുടർന്ന് സംസ്ഥാന സഹകരണ യൂണിയൻ നട നടത്താനിരുന്ന ഇന്നത്തെ എച്ച്ഡിസി ആന്റ് ബിഎം (HDC & BM) പരീക്ഷകൾ മാറ്റി വെച്ചിട്ടുണ്ട്. പുതുക്കിയ പരീക്ഷാ തീയതി പിന്നീട് അറിയിക്കുമെന്ന് സഹകരണ യൂണിയൻ അധികൃതർ വ്യക്തമാക്കി .കനത്ത മഴയ്ക്കുള്ള സാധ്യത കണക്കിലെടുത്ത് മലയോര മേഖലകളിലും നദീതീരങ്ങളിലും താമസിക്കുന്നവർ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിർദ്ദേശം നൽകി.
Story Summary
Heavy rain prompts school holidays in eight Kerala districts today, while state cooperative union HDC & BM exams stand postponed. Authorities issue caution as weather conditions remain severe across hill and coastal tracks.
