കൊച്ചി: എറണാകുളം-ധനുഷ്കോടി ദേശീയപാതയിൽ നേര്യമംഗലം ആർച്ച് പാലത്തിന് സമീപം വിനോദസഞ്ചാരികൾ സഞ്ചരിച്ച വാഹനങ്ങൾ കൂട്ടിയിടിച്ച് ഏഴ് പേർക്ക് പരിക്കേറ്റു. വിനോദസഞ്ചാര സംഘം സഞ്ചരിച്ചിരുന്ന ജീപ്പും ട്രാവലറും തമ്മിൽ കൂട്ടിയിടിച്ചാണ് അപകടമുണ്ടായത്.(Tourist vehicles collide in Kochi, 7 people injured)
ഇടിയുടെ ആഘാതത്തിൽ നിയന്ത്രണം വിട്ട ജീപ്പ് റോഡിൽ മറിഞ്ഞു. അപകടത്തിൽ പരിക്കേറ്റ ഏഴ് പേരെയും ആശുപത്രിയിൽ പ്രവേശിപ്പിച്ചു. എം. ഉണ്ണികൃഷ്ണൻ (56), ഭാര്യ സൂര്യവൃന്ദ (49), രഘു നാരായണൻ (40), ഭാര്യ എസ്. ഗോപിക (33), സൂരജ് (38), ദേവിക ശ്രീദേവി (25), ദാമോദരൻ നമ്പൂതിരി (65) എന്നിവരാണ് അപകടത്തിൽപ്പെട്ടത്.
