കൊച്ചി: അശ്ലീല ദൃശ്യങ്ങൾ സമൂഹമാധ്യമങ്ങളിൽ പങ്കുവെച്ച കേസിൽ വിവാദ യൂട്യൂബർ ‘തൊപ്പി’ എന്ന നിഹാദ് എറണാകുളം ജില്ല വിട്ടതായി പൊലീസിന് സംശയം. കേസിൽ അന്വേഷണം ശക്തമാക്കിയതോടെ നിഹാദിന്റെ സുഹൃത്തുക്കളെ ചോദ്യം ചെയ്യാനാണ് പൊലീസിന്റെ നീക്കം.(Youtuber Thoppi suspects to have fled Ernakulam district amid cyber case)
എന്നാൽ, ഇയാളുടെ സുഹൃത്തുക്കൾ അന്വേഷണവുമായി സഹകരിക്കുന്നില്ലെന്ന് എറണാകുളം റൂറൽ സൈബർ പൊലീസ് വ്യക്തമാക്കി. അശ്ലീല ഉള്ളടക്കം നിരന്തരമായി പങ്കുവെച്ചതിനെ തുടർന്ന് തൊപ്പിയുടെ യൂട്യൂബ് ചാനൽ കഴിഞ്ഞ ദിവസം പൊലീസ് ഇടപെട്ട് പൂട്ടിച്ചിരുന്നു. സൈബർ പൊലീസ് നൽകിയ ഔദ്യോഗിക റിപ്പോർട്ടിന്റെ അടിസ്ഥാനത്തിലാണ് യൂട്യൂബ് ചാനലിനെതിരെ നടപടിയുണ്ടായത്.
സുഹൃത്തുക്കളുടെ വീഡിയോകൾ സമൂഹമാധ്യമങ്ങളിൽ പ്രചരിപ്പിച്ചതിനാണ് ഐടി നിയമപ്രകാരം തൊപ്പിക്കെതിരെ പൊലീസ് കേസെടുത്തത്. അഭിഭാഷകനായ ശ്രീജിത്ത് പെരുമന നൽകിയ പരാതിയുടെ അടിസ്ഥാനത്തിലായിരുന്നു ആദ്യഘട്ട അന്വേഷണം. തുടർന്ന് തൊപ്പിയുടെ സോഷ്യൽ മീഡിയ അക്കൗണ്ടുകൾ പൊലീസ് വിശദമായി പരിശോധിച്ച ശേഷമാണ് കേസിലേക്ക് നീങ്ങിയത്.
Story Summary
The Ernakulam Rural Cyber Police suspects that controversial YouTuber ‘Thoppi’ alias Nihad has fled the district following a cyber case filed against him for sharing obscene videos of his friends. Amid non-cooperation from his friends, the police have already blocked his YouTube channel and strongly opposed his anticipatory bail plea in court.
