മലപ്പുറം: മഞ്ചേരി മാലാംകുളത്തെ വിജനവും ചെങ്കുത്തായതുമായ പ്രദേശത്ത് മനുഷ്യന്റേതെന്ന് സംശയിക്കുന്ന തലയോട്ടി കണ്ടെത്തി. സ്വകാര്യ വ്യക്തിയുടെ പറമ്പിൽ കാട് വെട്ടിത്തെളിക്കുന്നതിനിടെ തൊഴിലാളികളാണ് തലയോട്ടി ആദ്യം കണ്ടത്.(Suspected Human Skull Found During Land Clearing In Manjeri Malappuram)
വിവരമറിഞ്ഞയുടൻ പോലീസ് സ്ഥലത്തെത്തി പ്രാഥമിക അന്വേഷണം നടത്തി. മൂവാറ്റുപുഴ സ്വദേശിയുടെ ഉടമസ്ഥതയിലുള്ളതാണ് സ്ഥലം. സംഭവസ്ഥലത്ത് ഡോഗ് സ്ക്വാഡും ഫോറൻസിക്-വിരലടയാള വിദഗ്ധരും എത്തി തെളിവുകൾ ശേഖരിച്ചിട്ടുണ്ട്.
ശാസ്ത്രീയ പരിശോധനകൾക്ക് ശേഷമേ തലയോട്ടി മനുഷ്യന്റേതാണോ എന്നും എത്ര പഴക്കമുണ്ടെന്നും സ്ഥിരീകരിക്കാൻ കഴിയൂവെന്ന് അന്വേഷണ സംഘം വ്യക്തമാക്കി. പ്രദേശത്ത് കൂടുതൽ അസ്ഥികൂട അവശിഷ്ടങ്ങൾ ലഭ്യമാണോ എന്നും പോലീസ് തെരച്ചിൽ നടത്തിവരികയാണ്.
Story Summary
A suspected human skull was discovered on a private property in a remote and steep terrain at Malamkulam near Manjeri in Malappuram district. Workers clearing overgrown vegetation spotted the skull and alerted the police. Senior officials, along with forensic teams and the dog squad, inspected the site to collect evidence and conduct further investigation.
