പത്തനംതിട്ട: പുനലൂർ – മൂവാറ്റുപുഴ സംസ്ഥാനപാതയിൽ കുമ്പഴ വലിയപാലത്തിന് സമീപം ഉണ്ടായ അപകടത്തിൽ രണ്ടു മരണം (Pathanamthitta Accident News). ശനിയാഴ്ച വൈകുന്നേരമാണ് അപകടം നടന്നത്. തമിഴ്നാട് രജിസ്ട്രേഷനിലുള്ള ലോറി ഇവർ സഞ്ചരിച്ചിരുന്ന ഓട്ടോറിക്ഷയിൽ ഇടിക്കുകയായിരുന്നു. ശനിയാഴ്ച വൈകുന്നേരം 3.30-ഓടെയാണ് സംഭവം. ഫിലിപ്പ്, സഹോദരി ജിൻസി എന്നിവരാണ് മരിച്ചത്.ഫിലിപ്പ് ഓടിച്ച ഓട്ടോറിക്ഷയിലാണ് സഹോദരി ജിൻസിയും ഉണ്ടായിരുന്നത്. ഇരുവരെയും ഉടൻ തന്നെ പത്തനംതിട്ട ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
തമിഴ്നാട് രജിസ്ട്രേഷനിലുള്ള ലോറിയാണ് അപകടമുണ്ടാക്കിയത്. പത്തനംതിട്ട പോലീസും ഫയർഫോഴ്സും സ്ഥലത്തെത്തിയാണ് മേൽനടപടികൾ സ്വീകരിച്ചത്.അപകടത്തെ തുടർന്ന് പുനലൂർ – മൂവാറ്റുപുഴ പാതയിൽ ഏറെ നേരം ഗതാഗതക്കുരുക്ക് അനുഭവപ്പെട്ടു. മൃതദേഹങ്ങൾ പോസ്റ്റ്മോർട്ടം നടപടികൾക്കായി പത്തനംതിട്ട ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
Story Summary: Two siblings, Philip and Jincy from Vadaserikkara, died after their auto-rickshaw collided with a Tamil Nadu registration truck near Kumbazha, Pathanamthitta. The accident occurred on the Punalur-Muvattupuzha state highway on Saturday afternoon.
