കൊച്ചി: നിയമസഭാ തിരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ കേരളത്തിന്റെ മുഖ്യമന്ത്രി സ്ഥാനത്തെച്ചൊല്ലി കോൺഗ്രസിനുള്ളിൽ ഗ്രൂപ്പ് പോര് തെരുവിലേക്ക് പടരുന്നു. എറണാകുളം പള്ളുരുത്തിയിലാണ് പ്രതിപക്ഷ നേതാവ് വി.ഡി. സതീശനെയും ഷാഫി പറമ്പിലിനെയും പിന്തുണച്ചുകൊണ്ട് പുതിയ ഫ്ലക്സ് ബോർഡുകൾ പ്രത്യക്ഷപ്പെട്ടത്.(New Flex Boards In Kochi Supporting VD Satheesan And Shafi Parambil Amid CM Tussle)
‘വി ഡി എസ് കേരളം ഭരിക്കട്ടെ, ഷാഫി കോൺഗ്രസിനെ നയിക്കട്ടെ’ എന്നാണ് പള്ളുരുത്തിയിൽ ഉയർന്ന ബോർഡുകളിലെ വാചകം. മുഖ്യമന്ത്രി സ്ഥാനത്തേക്ക് വി.ഡി. സതീശനെയും കൂടാതെ ഷാഫി പറമ്പിലിനെയും ഒരേസമയം ഉയർത്തിക്കാട്ടാനാണ് ഇതിലൂടെ അണികൾ ശ്രമിക്കുന്നത്.
മുഖ്യമന്ത്രി സ്ഥാനത്തിനായി കെ.സി. വേണുഗോപാൽ, വി.ഡി. സതീശൻ, രമേശ് ചെന്നിത്തല എന്നിവരുടെ ആരാധകർ സംസ്ഥാനത്തിന്റെ വിവിധ ഭാഗങ്ങളിൽ സമാന്തരമായി ഫ്ലക്സ് ബോർഡുകൾ ഉയർത്തുന്നുണ്ട്. അനാവശ്യമായ ഫ്ലക്സ് യുദ്ധങ്ങളും പരസ്യ പ്രകടനങ്ങളും പാർട്ടിയുടെ പ്രതിച്ഛായ തകർക്കുമെന്നും അവ ഉടനടി അവസാനിപ്പിക്കണമെന്നും ഹൈക്കമാൻഡ് കർശന നിർദ്ദേശം നൽകിയിരുന്നു. എന്നാൽ ഈ നിർദ്ദേശങ്ങളെല്ലാം കാറ്റിൽ പറത്തിക്കൊണ്ടാണ് പുതിയ ബോർഡുകൾ പ്രത്യക്ഷപ്പെട്ടത്.
Story Summary
New flex boards supporting VD Satheesan as CM and Shafi Parambil as Congress leader have appeared in Palluruthy, Kochi. Despite the High Command’s strict orders to stop the “flex war” amid the ongoing Kerala CM selection process, supporters continue to push their preferred candidates openly.
